2 Corinthians 4:17 - Sa Ugud Apudyus

¹⁷ Te da annae sin-aḵitane ampaḵaḻamanni, ambanag aḵ ḵabaḻuwane antatagu ḵan Apudyus ad langite ippun patinggana ḵan ippun miyisuwana.

2 Corinthians 4:17 ပူးပေါင်းရင်းမြစ်များ

Matthew 5:12

Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”

Luke 6:23

Anggangganas ḵayu ya ampaypaytuḵ ḵayu'tte layadyu te sosomḵonyu we daḵoḻ gungunayu'd langit. Te da sadi ye ḵingwada iissuna da ḵingwan da danaḵḵoḻda'tta profeta si awe.

Acts 20:23

Sa abuse igammuḵ mibaḻudaḵ ḵan mapaḵaḻamaḵ te pinanoḵnoḵan ni Ispiritu Santu ḵan saḵon atta losane siyudade ayaḵ.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Romans 8:18

Te ibelangḵu we sa ampaḵaḻaman taḵu sinsadi ye timpu sina'd luta, ippun miyisuwana si ḵabaḻuwane antatagu ḵan Apudyus ad langit si umali ye aḻgaw.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

Romans 8:37

Yaḵon taḵon ay nu maḵwa losan da sadi ḵan ditaḵu, aangngog taḵu mipagapu ḵan Jesu Kristu we nangay-ayat ḵan ditaḵu.

1 Corinthians 2:9

Yaḵon sa ḵanan ni nigili ye Ugud Apudyus, “Sa adimpun da tagu innila ya adidapun dingngoḻ baḵon nu adidapun simsimmoḵ, sadi insaganan Apudyus para'tta angayat ḵan siya.”

2 Corinthians 3:18

Pun losan ḵan ditaḵu we namati, daḵampun aḵ isu taḵu'ḵ Moses we natalingdan bosaḻna yaḵon ipaila taḵu we isun di ladawan dayaw ḵan ḵabooḻan Apu ya patilayune mabaliwan taḵu bumaḻu inggana'ḵ miyisu taḵu ḵan siya. Te aḵ Apu we sa Ispiritu Santu amagatupe amabaru ḵan amabaḻu ḵan ditaḵu.

Philippians 1:19

te igammuḵe sa ampaḵaḻamaḵ si ḵasasaadḵu sinsadi, ambanag atte masaḻaḵnibaḵ gapu si luwaḻuyu ḵan badang ni Ispiritun Jesu Kristu.

2 Thessalonians 1:4

Pun nu inḵani bisitaon da gimung da namati ḵan Apudyus atta ḵinailin di ili, isḵaḻni diḵayu'tte ḵinaanusyu ya sa angipapuutanyu we amati taḵon ay nu amod da ampaḵaḻamanyu gapu'tta pammatiyu.

2 Thessalonians 1:6

Ustu inon Apudyus we anḵuwis te da tagu we namaḵaḻam ḵan diḵayu, ampaḵaḻamona bos dida.

2 Timothy 2:10

Pun attomaḵ da losane ampaḵaḻamaḵ gapu'tta pinilin Apudyus we tagu ta mataguda gapu'tte niyossaananda ḵan Jesu Kristu ya midogada si ḵabaḻuwane antatagu ḵan Apudyus ad langite ippun anungusna.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.