2 Corinthians 4:14 - Sa Ugud Apudyus

¹⁴ Te igammuni ye aḵ Apudyus we nanagu ḵan Apu Jesus, taguwona bos diḵani gapu si niyossaananni ḵan Jesus. Ḵad idogana bos diḵayu we namati ta midoga taḵu losan si igawna.

2 Corinthians 4:14 ပူးပေါင်းရင်းမြစ်များ

Luke 21:36

Ansasaggana ḵayu ya alluwaḻu ḵayu ta pumigsa ḵayu ḵan tumuḻod ḵayu we angiyattom atta annae maḵmaḵwa ta maḵwae sumangu ḵayu ḵan saḵone Abeng Di Tagu.”

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.

Acts 2:32

Sa annae Jesus tinagun Apudyus ḵasin ḵad losanni tinaḵdoḻan.

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

1 Corinthians 6:14

Awad os ḵausaran ni long-ag taḵu si umali ye aḻgaw te aḵ Apudyus taguwona ditaḵu gapu'tte ḵabooḻanae isun ni nanaguwana ḵan Apu.

2 Corinthians 11:2

Tuttuwae amo angimunaḵ ḵan diḵayu we isun os ni an-iimun Apudyus nu sabali unudonyu. Te isuyun babaḻasange ippun natnattoḵanae intuḻagḵu we miyasawa si os-ossaane laḻaḵi ye siya'ḵ Kristu.

Ephesians 5:27

Ḵingwana ḵatti ta umali ḵade angayag ḵan ditaḵu we namati ḵan siya, ambaḻu ugali taḵu si antotollongna ya ippun ḵadellawan taḵu we isun ni bubai ye mikasar we ambaḻubaḻu ya ippun ḵaissawna ḵan dipiḵtuna.

Colossians 1:22

Yaḵon sinsadi nagangpute nipaḻ-og maḵabuḻbuḻunanyu ḵan Apudyus te aḵ Kristu natoy si nangidatunana'tte mismu we long-agna ta bumaḻu ugaliyu ya ippun ḵadellawanyu ḵan ipabasuḻda ḵan diḵayu si amataḵdogana ḵan diḵayu si sinagungna.

Colossians 1:28

Iwaḻagawagni'ḵ Kristu atta losane tagu we usaronni losane laingni ye amagbaga ya angituttudu'tta losane tagu ta da pammatida ippun oḵyan kurangna'tte antotollong Apudyus yaḵon amo maangsanda'tte niyossaananda ḵan Kristu.

1 Thessalonians 4:14

Te nu amati taḵu we natoy aḵ Jesus woḵ ummuli, amati taḵu bose ibuḻun Apudyus ḵan Jesus da namati ye natoy.

James 5:15

Ḵad nu alluwaḻudae mipagapu si pammatida ḵan Apu Jesus, ḵumosdoḻ te ḵaanon Apu saḵitna. Ḵad nu naḵabasuḻ, mapakawan.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.