2 Corinthians 4:13 - Sa Ugud Apudyus

¹³ Ḵanan ni nangigili si Ugud Apudyus, “Namatiyaḵ ḵan Apudyus, pun sanat da inugudḵu.” Pun isuna bos ḵan diḵani ye gapu ta amati ḵani ḵan Apudyus, ugudonni bos da patiyonni.

2 Corinthians 4:13 ပူးပေါင်းရင်းမြစ်များ

Acts 15:11

Yaḵon amati taḵu we matagu taḵu mipagapu'tte ḵinabaḻun Apu Jesus we isuna bos ḵan dida.”

Romans 1:12

Sa pioḵ ibaga, an-asisoḻgag taḵu si pammati ta pumigsa pammatiḵ mipagapu'tta pammatiyu ya pumigsa bos pammatiyu gapu si pammatiḵ.

1 Corinthians 12:9

Ḵad sa osa, ittan ni sanae Ispiritu aḵ ampigsae pammati ḵad sa osa, ittan os ni Ispiritu aḵ ḵabooḻane angaan atta saḵit.

2 Corinthians 3:12

Gapu ta anna ḵan diḵani ḵaḵnate namnamaonni ye iinggaw aḵ inggana Baru we Tuḻag, amod de tuḻodni ye angiwaḻagawag si Ambaḻu we Damag.

2 Corinthians 4:12

Pun tuttuwae pasigni tataggaḻon ḵatoy yaḵon ambanag si mataguwanyu'ḵ inggana.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.