2 Corinthians 4:11 - Sa Ugud Apudyus

¹¹ Tuttuwae sa inggan ni matattaguwanni, pasigni tataggaḻon ḵatoy gapu ḵan Jesus ta sa antatagun Jesus mipaila si annae long-agni ye matoy.

2 Corinthians 4:11 ပူးပေါင်းရင်းမြစ်များ

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

Romans 8:36

Te sa ḵanan ni nigili ye Ugud Apudyus, “Gapu ḵan siḵa Apu, pasige sasagganaonni ḵatoy ḵad isunin karnero we madam-an misida.”

1 Corinthians 15:31

Susunud ḵan Kristu, tuttuwae sasaggungoḵ ḵatoy si inaḻgaw. Ibagaḵ sana te isḵaḻḵu niyossaananyu ḵan Jesu Kristu we Apu taḵu.

1 Corinthians 15:49

Sinsadi, miyisu ḵatollongan ni long-ag taḵu'tte ḵatollongan ni long-ag ni tagu we naḻpu'tte luta, ḵatti bose sa umali ye aḻgaw, miyisu ḵatollongan ni long-ag taḵu'tte long-ag Jesu Kristu we naḻpu'd langit.

2 Corinthians 4:10

Pasigni tataggaḻon ḵatoye isun ni naḵwa ḵan Jesus ta mipaila nantatagun Jesus atte nantataguni.

2 Corinthians 4:12

Pun tuttuwae pasigni tataggaḻon ḵatoy yaḵon ambanag si mataguwanyu'ḵ inggana.

2 Corinthians 5:4

Sa matattaguwan taḵu'd luta, umay-ayuwong taḵu gapu'tte ampaḵaḻaman taḵu. Daḵampun aḵ gapu ta pion taḵu tenan gagangaye long-ag taḵu we matoy yaḵon pion taḵu we mipasani baru we long-ag ta sa long-age matoy mapasantan si long-age matagu'ḵ inggana.

2 Corinthians 6:9

Ḵanan da udum, “Ippun angigammu ḵan diḵani,” yaḵon sa ḵatuttuwaan adu da tagu we angigammu ḵan diḵani. Pasigni sasaggungon ḵatoy yaḵon sinsadi tuttuwae sissiyae matattagu ḵani. Taḵon ay nu nampaḵaḻam ḵani, adiḵanipun natoy.