2 Corinthians 4:10 - Sa Ugud Apudyus

¹⁰ Pasigni tataggaḻon ḵatoye isun ni naḵwa ḵan Jesus ta mipaila nantatagun Jesus atte nantataguni.

2 Corinthians 4:10 ပူးပေါင်းရင်းမြစ်များ

John 14:19

Sin-aḵitan ya da tagu we adipun amati naippun ogon ilanda ḵan saḵon yaḵon diḵayu asiyu ilan saḵon. Te mataguwaḵ ḵasin ya matagu ḵayu bos.

Romans 6:5

Te nu nidoga taḵu ḵan Jesu Kristu atte natoyana, midoga taḵu bos ḵan siya si ummuliyana.

Romans 6:8

Gapu ta naḵaḵatoy taḵu ḵan Kristu, amati taḵu we midoga taḵu bos ḵan siya matagu'ḵ inggana.

Romans 8:36

Te sa ḵanan ni nigili ye Ugud Apudyus, “Gapu ḵan siḵa Apu, pasige sasagganaonni ḵatoy ḵad isunin karnero we madam-an misida.”

2 Corinthians 1:5

Te sa ḵaadun da ampaḵaḻamanni ye isun ni nampaḵaḻaman Kristu, ḵaḵnat os isun ni amapigsaan Apudyus atta pammatini mipagapu ḵan Kristu.

2 Corinthians 1:9

Sa ḵatuttuwaan, ḵanannipun nu nagangput dummatong timpu we matoyanni. Yaḵon naḵwa da sana ta daḵampun aḵ sa long-agni antaḻgodanni yaḵon aḵ Apudyus we anagu'tta natoy.

2 Corinthians 13:4

Te taḵon ay nu awad osa'ḵ ḵananae anḵuya'ḵ Kristu atte natoyana'tte kros, matattagu gapu'tte ḵabooḻan Apudyus. Pun isuna bos ḵan diḵani ye isunin anḵuya gapu si niyossaananni ḵan Kristu yaḵon nu mipanggob si ḵoonni ḵan diḵayu, ipailani ḵabooḻanae naḻpu ḵan Apudyus gapu si maḵabuḻbuḻunanni ḵan Kristu atte matattaguwana.

2 Corinthians 4:11

Tuttuwae sa inggan ni matattaguwanni, pasigni tataggaḻon ḵatoy gapu ḵan Jesus ta sa antatagun Jesus mipaila si annae long-agni ye matoy.

Galatians 6:17

Inggana sinsadi, ippun oḵyan pos ogon amaḵaḻam ḵan saḵon gapu'tte nangituttuduwaḵ si mipanggob atte kros te sa long-agḵu we napillapillatan, sana angipailae tuttuwae nanserbiyaḵ ḵan Jesus.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

2 Timothy 2:11

Tuttuwa uuggudone ḵanana, “Nu naḵaḵatoy taḵu ḵan Jesu Kristu, midoga taḵu matagu ḵan siya.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

1 Peter 4:14

Pian ḵayu nu maang-angyag ḵayu gapu si pammatiyu ḵan Kristu te sadi angigammuwanyu we iinggaw ḵan diḵayu madaydayawe Ispiritun Apudyus.

Revelation 1:17

Sa nangil-aḵ ḵan siya nisubuḵaḵ atte sinagungnae isun di natoy. Yaḵon inappadana saḵon si madawinane imana woḵ ḵanana, “Adiḵa maḵimut te saḵon ummuna ḵan anguddidi,