2 Corinthians 3:17 - Sa Ugud Apudyus

¹⁷ Sinsadi sa Apu siya Ispiritu Santu ḵad ngaimane tagu we iinggawan ni Ispiritu Santu, mapuḵayan.

2 Corinthians 3:17 ပူးပေါင်းရင်းမြစ်များ

John 6:63

Sa angitod atte biyag, sa Ispiritu Santu. Naippun lamog ni long-ag itton. Ḵad da inugudḵu ḵan diḵayu, naḻpuda'tte Ispiritu ḵad siya angitod si biyag aḵ inggana.

John 8:32

Ḵad igammuwonyu ḵatuttuwaan mipanggob ḵan Apudyus ḵad sa ḵatuttuwaan puḵayana diḵayu.”

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

1 Corinthians 15:45

Te sa nigili ye Ugud Apudyus ḵanana, “Sa ummunae tagu we aḵ Adam, innattan Apudyus aḵ biyag,” yaḵon aḵ Jesu Kristu we maawagan aḵ naudi ye Adam, siya Ispiritu we angitod si naispirituwane biyage ippun anungusna.

2 Corinthians 3:18

Pun losan ḵan ditaḵu we namati, daḵampun aḵ isu taḵu'ḵ Moses we natalingdan bosaḻna yaḵon ipaila taḵu we isun di ladawan dayaw ḵan ḵabooḻan Apu ya patilayune mabaliwan taḵu bumaḻu inggana'ḵ miyisu taḵu ḵan siya. Te aḵ Apu we sa Ispiritu Santu amagatupe amabaru ḵan amabaḻu ḵan ditaḵu.

2 Corinthians 3:6

we siya nangitod atte ḵabooḻanni ye angituttudu si mipanggob atte Baru we Tuḻag Apudyus atta tagu. Ḵad sa sadi ye Baru we Tuḻagna, daḵampun aḵ mibatay si nigili ye lintog nu adi mibatay si ḵewaaḻ ni Ispiritu Santu. Sa ambanagan ni nigili ye lintog, ḵatoy aḵ inggainggana. Yaḵon sa Ispiritu Santu angitod si biyag aḵ inggana.

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

Galatians 5:1

Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu.

Galatians 5:13

Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu.

2 Timothy 1:7

Te sa Ispiritu we innatod Apudyus ḵan ditaḵu, daḵampun si ogyat yaḵon sa ḵabooḻan taḵu we anserbi ḵan Apudyus, sa ayaton taḵu da udume tagu ya sa lamog taḵu we anupod si long-ag taḵu.