2 Corinthians 3:12 - Sa Ugud Apudyus

¹² Gapu ta anna ḵan diḵani ḵaḵnate namnamaonni ye iinggaw aḵ inggana Baru we Tuḻag, amod de tuḻodni ye angiwaḻagawag si Ambaḻu we Damag.

2 Corinthians 3:12 ပူးပေါင်းရင်းမြစ်များ

John 10:24

Pun inaligummun da papangat da Judyu woḵ ḵananda, “Atoman os ay angisilisilibam ḵan siḵa? Ibabaggam ḵan diḵani nu siḵa Kristu.”

John 16:25

Pinagatupan Jesus woḵ ḵanana, “Imbagaḵ ḵan diḵayu da anna si pani. Yaḵon dumatong timpu we adiḵpun ogon ipani ye an-ugud ḵan diḵayu yaḵon ibabaggaḵ ḵan diḵayu mipanggob ḵan Amaḵ.

John 16:29

Pun ḵanan da disipuluna, “Sinsadi ibabaggame an-ugud, daḵampun ogon aḵ ipanim.

Acts 14:3

Pun nabayag inninggawan da Paul ḵan Barnabas sidi. Intuḻoddae nantuttudu mipanggob ḵan Apu Jesus. Pun tinaḵdoḻandae tuttuwa mipanggob si ḵinabaḻuna mipagapu si nangittana ḵan dida si ḵabooḻane angwa'tta nakaskasdaaw ḵan sinyal.

Acts 4:13

Innilan ḵad da ḵuḵunsisaḻ tuḻod da Peter ḵan John nataagda te igammudae nababa ḵasasaaddae tagu we adidapun naadaḻan. Pun immatunandae nibuḻubuḻunda ḵan Jesus.

Acts 9:27

Pun inniyoy Barnabas aḵ Saul atta apostol woḵ imbagana ḵan dida inon Saul we nangila ḵan Apu Jesus atte daḻan ya sa inon Jesus we naḵaug-uggud ḵan siya. Pun imbagana tuḻod Saul we nangiwaḻagawag mipanggob ḵan Jesus ad Damascus.

Acts 9:29

Pun naḵaug-uggud ya naḵasossongbat atta Judyu we Greek gingada yaḵon singsingtonda inondae angongat ḵan siya.

1 Corinthians 14:19

Yaḵon nu maḵagimungaḵ atta udume namati, un-unnoyoḵ abuse limae ugud ibagaḵe maawatanda si antuttuduwaḵ nu sa an-ugudaḵ aḵ simpuḻullibu we ugude adidapun maawatan.

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Corinthians 3:11

Te nu awad dayaw ni sadi ye lintoge nampatingga, sindumallu dayaw ni Baru we Tuḻagnae naippun anungusna.

2 Corinthians 4:13

Ḵanan ni nangigili si Ugud Apudyus, “Namatiyaḵ ḵan Apudyus, pun sanat da inugudḵu.” Pun isuna bos ḵan diḵani ye gapu ta amati ḵani ḵan Apudyus, ugudonni bos da patiyonni.

2 Corinthians 7:4

Antaḻgodaḵ ḵan diḵayu ya ipasindayawḵu diḵayu ya pumigsa pammatiḵ mipagapu ḵan diḵayu. Taḵon ay nu ampaḵaḻamaḵ, allaylayadaḵ gapu ḵan diḵayu.

Philippians 1:14

Gapu bos atte nibaḻudaḵ, pummigsa taḻgodda ḵan Apu da ḵaaduwane susunud taḵu ḵan Kristu. Pun adidapun umogyat yaḵon amo tummuḻoddae angiwaḻagawag si Ugud Apudyus.

Philippians 1:20

Igammuḵe taguwonaḵ gapu'tte namnamaḵ ya sa pioḵ pagay, adiyaḵpun mabain si sinagung Apudyus gapu si adiḵpun daydayawon yaḵon amo tumuḻodaḵ pagay sinsanae isuna awe ta mipagapu'tte long-agḵu midayaw aḵ Kristu, matattaguwaḵ man baḵon nu matoyaḵ.

Colossians 4:4

Iluwaḻuwanaḵ ta lamogḵu we angipaḵaawate ustu te sanat da banage ḵooḵ oḵyan.

1 Thessalonians 2:2

Te inigammuyu we taḵon ay nu nampaḵaḻamon ya inang-angyagda diḵani sidi'd Philippi si daanni ayan sinat ad Thessalonica, innatod Apudyus tuḻodni ye nangiwaḻagawag ḵan diḵayu si Ambaḻu we Damag we naḻpu ḵan siya taḵon ay adu da summullagi ḵan diḵani.

1 Timothy 3:13

Te da ustu we anserserbi ye deacon, mapatganda ya natuḻoddae angibaga'tte pammatida ḵan Jesu Kristu.

Philemon 1:8

Pune sadi gapu ta ansunudta ḵan Kristu, anna ḵaḻabbongaḵe amilin ḵan diḵayu we angwa'tta ustu we ḵoonyu. Yaḵon adiḵpun ḵoon ḵaḵnat.