2 Corinthians 2:9 - Sa Ugud Apudyus

⁹ Te sa gapunae nanuḻataḵ, pioḵ pappadason diḵayu ḵan igammuwon nu tumuttuwa ḵayu'tta losane imbagabagaḵ ḵan diḵayu.

2 Corinthians 2:9 ပူးပေါင်းရင်းမြစ်များ

2 Corinthians 10:6

Nu ipailayu we losan ḵayu tumuttuwae ustu ḵan Kristu, naḵasagana ḵani ye anusa'tta ngaimane adipun tumuttuwa ḵan siya.

2 Corinthians 2:3

Ḵad sadi gapunae intaḻyanḵu umaliyaḵ woḵ nanuḻataḵ ḵan diḵayu yaḵon umaliyaḵ oḵyan sinat ta sa umaliyaḵ sinat, adipun lumaweng somsomoḵḵu gapu ḵan diḵayu we amalayad oḵyan ḵan saḵon. Te aaddi ye nu allaylayadaḵ, allaylayad ḵayu bos losan.

2 Corinthians 2:4

Te sa sadi ye nanuḻataḵ ḵan diḵayu, lawwelawweng ḵan ansigab somsomoḵḵu woḵ nantodtod luwaḵ. Yaḵon adiḵpun insuḻat sadi ta pioḵe paḻawengon somsomoḵyu yaḵon nanuḻataḵ ta ipaigammuḵ amode ayatḵu ḵan diḵayu.

2 Corinthians 2:8

Pun ipailayu ḵappos ḵasin ayatyu ḵan siya.

2 Corinthians 8:2

Te da susunud taḵu ḵan Kristu sidi'tte timpu we amod de ampaḵaḻamanda, allaaydae bummadang atta susunud taḵu we anḵasapuḻ te amod de layadda taḵon ay nu ḵapuḵapusda.

2 Corinthians 8:24

Pun sa ḵoonyu, ipailayu ayatyu ḵan dida ta igammuwon da gimung da namati sina ta panoḵnoḵanyu ḵan didae tuttuwa da iyyisḵaḻni mipanggob ḵan diḵayu.

Philippians 2:12

Pun annaya ibagaḵ ḵan diḵayu we buḻbuḻunḵu. Pasig ḵayu tummuttuwa atte inninggawaḵ ḵan diḵayu yaḵon sindumallu oḵyan si ḵamaidḵu ḵan diḵayu. Pun adiyu iwaḻange angwa si ambaḻu we siya ambanagan ni nataguwanyu. Ḵad sa angwaanyu si sadi, bumain ḵayu ya isipogyu we ustu'ḵ Apudyus.

Philippians 2:22

Yaḵon aḵ Timothy ḵad, iniiggammuyu we ambaḻu ugalina te innilayu we isunin an-ama si ḵewaaḻni ye angiwaḻagawag atte Ambaḻu we Damag.

2 Thessalonians 3:14

Nu awad adipun tumuttuwa'tte imbagani si annae suḻat, adi ḵayu miyisu ḵan siya ta mababbainan.

Philemon 1:21

Insuḻatḵu da anna te namnamaoḵe tuttuwaom da ḵodawoḵ, ḵad igammuḵe ad-adu da ḵoome nabaḻu nu da annae ḵodawoḵ.