2 Corinthians 2:17 - Sa Ugud Apudyus

¹⁷ Yaḵon ḵan diḵani, daḵampun aḵ isuni da adu we nantuttududa'tte Ugud Apudyus ta angaḻ-anda'ḵ mabalinda. Te imbuun Apudyus diḵani ya abus aḵ ugudonni ḵatuttuwaan atte sinagungna si niyossaananni ḵan Kristu.

2 Corinthians 2:17 ပူးပေါင်းရင်းမြစ်များ

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Acts 20:20

Inigammuyu bose naippun adiḵ imbaga ḵan diḵayu'tta ngaimane bumaḻuwanyu si nangiwaḻagawagaḵ ḵan nantuttuduwaḵ ḵan diḵayu si sinagung da aduadu we tagu ya ummoyḵu bos binoḻoboḻoy.

Acts 20:27

Te impaigammuḵ ḵan diḵayu da losane pinion Apudyus.

1 Corinthians 5:8

Pun sa maḵagayagayaan taḵu, adi taḵu ḵanon tinapaye naḵamsan atte yeast. Sa pioḵ ḵanan ḵan ditaḵu we namati, adi taḵu unudon ugali yaḵon sa ambaḻu ḵan ḵatuttuwaane naippun lawweng aḵ niḵamos.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

2 Corinthians 1:18

Tuttuwa da ibagani ḵan diḵayu, isuna bos ḵan Apudyus we siya losane ibagana da ḵatuttuwaan.

2 Corinthians 11:11

Ngaipaaḵ adi anḵodaw ḵan diḵayu? Pioḵ ḵamman ipailae adiḵpun diḵayu ay-ayaton? Igammun Apudyus we ay-ayatoḵ diḵayu!

2 Corinthians 12:19

Sa somsomoḵyu nin, ibagani da sana ta taḵdoḻanni da long-agni ḵan diḵayu. Yaḵon sa ḵatuttuwaan, abus aḵ ugudonni si sinagung Apudyus gapu ta niyossaan ḵani ḵan Kristu'tta piona ḵad da losane ḵoonni, ḵoonni susunud ta papigsaonni pammatiyu.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

2 Corinthians 6:7

Ḵad mipaila bos gapu'tte angituttuduwanni si ḵatuttuwaan ḵan ḵabooḻan Apudyus we ipailana mipagapu ḵan diḵani. Anna ḵan diḵani naun-unane antatagu gapu ḵan Kristu, siya isun di ispada ḵan ḵaḻasage usaronni ye maḵagubat atta bumusuḻ ḵan Apudyus.

Galatians 1:6

Nataagaḵ si daguse nan-awidanyu'ḵ Apudyus we namili ḵan diḵayu mipagapu si ḵinabaḻun Kristu ḵad siya unudonyu sabali ye tuttudu we ḵanan da udume ambaḻu we damag.

1 Thessalonians 2:4

Yaḵon pinanoḵnoḵan Apudyus woḵ intaḻgodna ḵan diḵani angiwaḻagawag atte Ambaḻu we Damag woḵ siya ḵingwani. Ḵad daḵampun atta tagu pappadasonni pas-oman yaḵon aḵ Apudyus we angigammu nu ngai awad atte somsomoḵni.

Titus 1:11

Ḵasapuḻane paginḵona dida te dumadailda'tta pammatin da amode baḻyan, gapu si angituttuduwanda'tta daḵampun oḵyan aḵ mituttudu. Sa panggobdae angwa'tte ḵaḵna, ampabain te sa pilaḵe abus gagamgamanda.

Hebrews 11:27

Gapu si pammati, tinenan Moses ad Egypt we adinapun iyyogyat sangan ni ari. Inanusanae nampaḵaḻam te isun di innilana'ḵ Apudyus we adipun maila.

1 Peter 4:11

Sa innattan Apudyus aḵ ḵabooḻane angiwaḻagawag, ḵasapuḻane sosomḵonae siya iwaḻagawagna Ugud Apudyus. Sa naittan aḵ ḵabooḻane anserbi'tta buḻunna, ḵasapuḻane anserbi ye usarona pigsae itton Apudyus ḵan siya ta da losane banage ḵoonyu, midaydayaw aḵ Apudyus mipagapu ḵan Jesu Kristu. Siya madaydayaw ḵan maḵabooḻe ampangat aḵ inggainggana. Amen.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 19:20

Yaḵon nadoḵmaan ḵaog-ogyate ayam ya sa sinan profeta we nangipaila'tta nakaskasdaawe sinyal si nanserserbiyana si annae ayam. Da annae sinyal, dida da inusarnae nangallelaw atta tagu we namaḻḵaan atte maḻḵan ni ḵaog-ogyate ayam ya da nandaydayaw atte naḵwae ḵais-isuna. Da annae duwae sissiyae matattagu, niballuda si igaw ni gumilgillayabe apuy ḵan sulfur.

Revelation 2:20

“ ‘Yaḵon awad de adiḵpun pion ḵan diḵayu, iyyunudyu we midoga sanae bubai ye aḵ Jezebel ḵan diḵayu. Ḵananae siya profeta we angituttudu'tta imbagan Apudyus yaḵon gapu si tuttuduna, awisona da anserbi ḵan saḵon ta adaḻugonda da daḵampun aḵ asawada ḵan anganda'tta maḵane nidatun atta sinan-apudyus.