2 Corinthians 13:14 - Sa Ugud Apudyus

¹⁴ Awad oḵyan ḵan diḵayu losan ḵinabaḻu we maḻpu ḵan Apu Jesu Kristu ya sa ayat Apudyus ya sa niyossaanan ni Ispiritu Santu.

2 Corinthians 13:14 ပူးပေါင်းရင်းမြစ်များ

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

John 4:10

Ḵanan Jesus, “Nu inigammum atod Apudyus ya inigammum nu ngaiyaḵe anḵodaw atte danum, siḵa oḵyan anḵodaw ta ittaḵ siḵa si danume angitod si biyag.”

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

John 7:38

Ngaimane amati ḵan saḵon, maitttan si awade nibaga'tte nigili si Ugud Apudyus we ḵanana, ‘Sa danume angitod si biyage isun di bubune bumubuse maḻpu'tte pusuna ya adipun mattuḵan.’ ”

Acts 15:11

Yaḵon amati taḵu we matagu taḵu mipagapu'tte ḵinabaḻun Apu Jesus we isuna bos ḵan dida.”

Romans 1:7

Pun anuḻataḵ ḵan diḵayu we annat ad Rome we inay-ayat Apudyus ḵan pinilina'ḵ taguna. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

Romans 16:20

Adipun manunnuwan ya aḵ Apudyus we maḻpuwan ni lin-awa oḻgona'ḵ Satan we isun di gusgusdan taḵu. Awad oḵyan ḵan diḵayu ḵinabaḻu we maḻpu ḵan Apu Jesu Kristu.

Romans 16:23

Aḵ Gaius we niḵamboḻoyaḵ, pakumustaona diḵayu. Sa boḻoyna dam-on da namati ye magimugimung andaydayawan. Ḵad aḵ Erastus we treasurer ni annae siyudad ya aḵ Quartus we sunud taḵu pakumustaonda diḵayu.

Romans 16:27

Madaydayaw aḵ Apudyus aḵ ingganae abus aḵ tuttuwae ḵalaingan mipagapu ḵan Jesu Kristu! Amen.

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

Romans 8:39

Taḵon ay da losane awad ad langit ya sina'd luta ya taḵon ay da ngaimane ḵingwana, naippun maḵaisina'tte ayat Apudyus ḵan ditaḵu mipagapu ḵan Apu taḵu we Jesu Kristu.

Romans 8:9

Yaḵon ḵan diḵayu, daḵampun ogon si gagangaye pipion ni long-ag angituray ḵan diḵayu yaḵon sa Ispiritu Santu angituray ḵan diḵayu nu tuttuwae siya iinggaw ḵan diḵayu. Ngaimane tagu we naippun Ispiritu Santu we inkarin Jesus, daḵampun aḵ tagun Kristu.

1 Corinthians 12:13

Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.

1 Corinthians 14:16

Ḵad nu alluwaḻu ḵan anggappiya somsomoḵḵu ḵan Apudyus we adipun maawatan, ngai inon da udume sumongbat atte “Amen” nu adida maawatan ugudoḵ?

1 Corinthians 16:23

Awad oḵyan ḵan diḵayu ḵinabaḻu we maḻpu ḵan Apu Jesus.

1 Corinthians 3:16

Adiyupun ḵamman igammu we diḵayu templo we boḻoy Apudyus gapu'tte Ispiritunae iinggaw ḵan diḵayu?

1 Corinthians 6:19

Adiyupun ḵamman igammu we sa long-ag taḵu templon ni Ispiritu Santu we innattod Apudyus aḵ iinggaw ḵan ditaḵu? Daḵampun aḵ ḵuwa taḵu long-ag taḵu te ḵuwan Apudyus,

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Ephesians 2:18

Ḵad mipagapu ḵan Kristu, maḵwae umadani taḵu losan ḵan Apudyus we Ama taḵu te ossaan Ispiritu we iinggaw ḵan ditaḵu.

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

Ephesians 6:23

Susunudḵu ḵan Kristu, itton oḵyan Apudyus we Ama ya aḵ Apu Jesu Kristu ḵan diḵayu lin-awa ḵan ayate midoga pammati.

Philippians 2:1

Pun sa niyossaananyu ḵan Kristu, siya masoḻgagan ni somsomoḵyu. Ayaton Kristu diḵayu ya siya alliwliwa ḵan diḵayu. Buḻbuḻunyu bos Ispiritu Santu. Ḵad anna ayat ḵan ḵadagu ḵan diḵayu.

1 John 1:3

Da sanae innilani ya da dingngoḻni, siya sanae iwaḻagawagni ḵan diḵayu ta midoga ḵayu'tte maḵabuḻbuḻunanni ḵan Apudyus we Ama taḵu ya aḵ Jesu Kristu we Abengna.

1 John 3:16

Pun ditaḵu ḵad os, sa nangittan Jesu Kristu si biyagna'ḵ natoy para ḵan ditaḵu, naḵasagana taḵu oḵyane angitod atta biyag taḵu para'tta susunud taḵu ḵan Kristu.

1 John 3:24

Da losane anuttuwa'tta bilin Apudyus, iinggawda ḵan Apudyus ya iinggaw os aḵ Apudyus ḵan dida. Ḵad sa angigammuwan taḵu we iinggaw aḵ Apudyus ḵan ditaḵu, sa Ispiritu Santu we innatodna ḵan ditaḵu.

Jude 1:21

Popotpotanyu ayat Apudyus ḵan diḵayu si anguuwwayanyu si biyag aḵ inggana'd langite itton Jesu Kristu we Apu taḵu gapu si ḵadaguna.