2 Corinthians 12:6 - Sa Ugud Apudyus

⁶ Yaḵon nu pioḵe angiyisḵaḻ si long-agḵu, daḵanaḵpun aḵ nadongdong-ogan te ḵatuttuwaan da ibagaḵ. Yaḵon adiḵpun iyisḵaḻ da nipaila ḵan saḵon ta adin da tagu ḵanane nangatuwaḵ gapu'tta innilaḵ. Te pioḵe sa ḵasomsomḵanda ḵan saḵon mibatay atta ḵingwaḵ ḵan imbagaḵe intotollongda ya dingngoḻdae mismu.

2 Corinthians 12:6 ပူးပေါင်းရင်းမြစ်များ

Romans 9:1

Susunud, ibagaḵ ḵan diḵayu ḵatuttuwaan, adiyaḵpun antultulli te niyossaanaḵ ḵan Kristu. Taḵon ay somsomoḵḵu we indaḻan ni Ispiritu Santu, panoḵnoḵanae adiyaḵpun antultulli.

1 Corinthians 3:5

Ngai ḵad ain aḵ Apollos? Ngai'ḵ Paul? Sammilu ḵani ḵan Apudyus ḵad mipagapu ḵan diḵani namati ḵayu. Awad osa ḵan diḵani ḵoona nipabiyang ḵan siyae innatod Apu ḵan diḵani.

2 Corinthians 1:18

Tuttuwa da ibagani ḵan diḵayu, isuna bos ḵan Apudyus we siya losane ibagana da ḵatuttuwaan.

2 Corinthians 11:16

Iḵasinḵu bos ibagae adiyu oḵyan ḵanane nadongdong-oganaḵ. Yaḵon nu siya ḵananyu, awatonaḵe osae nadong-og ta anusanyu dongngon nu ansoḵaḻaḵ os aḵ aḵit.

2 Corinthians 11:31

Aḵ Apudyus we Aman Apu Jesus we madaydayaw aḵ inggana, igammunae adiyaḵpun antultulli.

2 Corinthians 12:11

Isuḵ nin nadong-og gapu'tta sanae inugudḵu si mipanggob atte long-agḵu. Yaḵon diḵayu nangipatut ḵan saḵon te diḵayu oḵyan angitaḵdog ḵan saḵon. Taḵon ay nu ippun patogḵu, daḵampun aḵ nababbabaaḵ nu da ngannonda ḵangatuwane apostol sinat.

2 Corinthians 12:7

Gapu ḵad ta adimpun Apudyus pione ansoḵaḻaḵ gapu'tta ḵinangatun ni nakaskasdaawe impailana ḵan saḵon, iyyunudnae angigga'ḵ Satan aḵ saḵite isun di lutlut-uḵona long-agḵu ya ampaḵaḻamaḵ ta adiyaḵ ansoḵaḻ.

2 Corinthians 5:13

Taḵon ay nu ḵanan da tagu we natingang ḵani, sinnamaḻna te para ḵan Apudyus da ḵoonni. Yaḵon nu ḵanandae nanggodong somsomoḵni, igammuyu we para si bumaḻuwanyu.

2 Corinthians 7:14

Te impasindayawḵu diḵayu ḵan siya ḵad adiyaḵpun nadismaya'tta imbagaḵ. Te tuttuwa pagay da sadi ye imbagani ya napanoḵnoḵane tuttuwa da sadi ye iyyisḵaḻḵu ḵan Titus.