2 Corinthians 12:20 - Sa Ugud Apudyus

²⁰ Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu.

2 Corinthians 12:20 ပူးပေါင်းရင်းမြစ်များ

Romans 1:29

Siya awad atta somsomoḵda da losane kalasin da lawweng. Ḵamommodda, maaposda. Pumappatoyda, subboganda, nasiḵapda ya pasige siya sosomḵonda ampaḵaḻamonda da buḻunda ya sungadanda.

Romans 1:30

Alliḵudda'tta asintataguda, sasangngaanda'ḵ Apudyus, am-amsewonda da asintataguda, indaddayawda, ansoḵaḻda, pasig ose ansomsomoḵda'tta udume kalasin di lawweng ya adidapun tuttuwaon da aammada ya da iinnada.

Romans 2:8

Yaḵon da tagu we siya sosomḵonda da pionda ya adidapun tuttuwaon gapu si adidapun amatiyan si ḵatuttuwaan ḵad siya ḵoonda lawweng, aaddi ye dida angipail-an Apudyus si ummamdane sangana'tte timpu we anusaana ḵan dida.

1 Corinthians 1:11

Sadi imbilinḵu ḵan diḵayu we susunudḵu ḵan Kristu te dingngoḻḵu'tta tagun Chloe ye dam-on ḵayu ansusubog.

1 Corinthians 14:33

Te aḵ Apudyus, daḵampun aḵ piona magulu taḵu we namati yaḵon pionae nauḻnus taḵu. Isun ni maḵmaḵwa'tta losane gimung da tagun Apudyus,

1 Corinthians 5:2

Ḵad sissiyae ansoḵaḻ ḵayu! Siya oḵyan ḵoonyu idomdomyu ḵababbaine naḵwa ta paḻyawonyu ḵaḵnate tagu'tte gimungyu.

2 Corinthians 1:23

Yaḵon sinsadi, aḵ Apudyus anaḵdoḻ ḵan saḵone tuttuwa annae ibagaḵ. Adiyaḵpun nipauli sinat ad Corinth te adiḵpun pione paḻawengon somsomoḵyu nu suppaḵaḵ diḵayu'tta ḵingwayu.

2 Corinthians 10:2

andagdaguwaḵ ḵan diḵayu ta adipun ḵasapuḻane ipailaḵ tuḻodḵu ḵan diḵayu nu umaliyaḵ sinat. Te naḵasaganaaḵe anuppaḵ atta ḵanandae nainlubungan da ugalini ḵan panggobni.

2 Corinthians 10:6

Nu ipailayu we losan ḵayu tumuttuwae ustu ḵan Kristu, naḵasagana ḵani ye anusa'tta ngaimane adipun tumuttuwa ḵan siya.

2 Corinthians 12:21

Umogyataḵ aḵ umaliyaḵ ḵad ḵasin, pabainanaḵ os ḵan Apudyus atte sinagungyu gapu'tta ḵoḵoḵḵonyu. Umogyataḵ nu lawweng somsomoḵḵu gapu'tta naḵabasuḻ si awe ye adidapun imbabawi da basuḻda ya adidapun iyyagaye nangwa'tta ḵaissawe ḵoḵoḵḵonda, isun ni maḵadagdagas ya da udume ḵaissawe ḵoḵoḵḵon.

2 Corinthians 13:2

Sa pigwan ni ummaliyaḵ sinat, binagbagaaḵ da naḵabasuḻ si awe ya da udum ta iginoḵda da ḵoḵoḵḵonda. Ḵad sa sanae ippunaḵ ḵan diḵayu, ḵasinḵu bos bagbagaan didae naippun maḵailigsi si madusaanda si ḵasine umaliyaḵ nu adidapun ingginoḵ da ḵoḵoḵḵonda.

2 Corinthians 2:1

Pun simsimmoḵḵu we adiyaḵpun umali'tte sana te adiḵpun pione paḻawengon somsomoḵyu ḵasin.

Galatians 5:15

Yaḵon nu isuyu da anggagangoḻe asu, ummanyu te ambanag atte an-asidadail ḵayu.

Galatians 5:26

Adi taḵu oḵyan itaḻayag da long-ag taḵu ya adi taḵu oḵyan os ḵoon da banage angay-ay aḵ maḵapatoyanda ḵan ditaḵu ya adi taḵu an-asiapaḻ.

James 4:11

Susunudḵu ḵan Kristu, adi ḵayu an-asiamsew. Nu amsewonyu asintataguyu baḵon nu ḵuwisonyu dida, amsewonyu ya ḵuwisonyu lintog. Nu ḵuwisonyu, adiyupun ogon tuttuwaon lintog yaḵon nambalin ḵayu'ḵ ḵuwis.

1 Peter 2:1

Pun an-awidanyu da losane ḵoḵoḵḵon. Ippun oḵyan tinutuli, apos, ḵapappaila ḵan diḵayu ya adiḵayu oḵyan an-ugud aḵ lawweng si mipanggob atta asintataguyu.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

Jude 1:16

Da sanae tagu, pasigda ngumonongonot ya ippun pulus ḵat-opanda. Siya ḵoonda da lawwenge pipion da long-agda. Isḵaḻda da long-agda ya allelawonda da buḻunda ta aḻanda da pipionda.