2 Corinthians 12:16 - Sa Ugud Apudyus

¹⁶ Pun maḵwae iyunudyu we adiyaḵpun nanḵodaw atta masapuḻḵu ḵan diḵayu. Yaḵon awad da angibagae siḵapaḵ ḵan allelawoḵ diḵayu'tte tinutuli.

2 Corinthians 12:16 ပူးပေါင်းရင်းမြစ်များ

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

2 Corinthians 11:20

Te anuanusanyu dida nu ambalinon diḵayu'ḵ musassu baḵon nu gundawayan diḵayu, siḵapanda diḵayu, ampasindayawda ḵan diḵayu ya lipaḵonda da bosaḻyu.

2 Corinthians 12:13

Te da losane ḵingwaḵ atta gimung da namati'tta udume ili, dida bos da ḵingwaḵ ḵan diḵayu. Nu adi abus adiyaḵpun nanḵodaw ḵan diḵayu'tta ḵasapuḻaḵ. Pun nu iḵagasmoḵyu ḵingwaḵe lawweng, ḵodawoḵe pakawanonaḵ.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

2 Corinthians 6:8

Sa anserbiyanni ḵan Apudyus, awad da angidayaw ḵan awad os da angibabbain ḵan diḵani. Ḵad awad os da anginsultu ya awad os da ambaḻuwon diḵani. Ḵanan os da udume matuli ḵani yaḵon tuttuwa da ugudonni.

2 Corinthians 7:2

Ipailayu oḵyan ayatyu ḵan diḵani. Ippun ḵingwani'ḵ lawweng atta ngaimane tagu, ippun ossaan aḵ dinadailni ḵan ippun ossaan aḵ kinulukni ya ginundawayanni.

1 Thessalonians 2:3

Te ippun lawweng aḵ somsomoḵni ye nangawis ḵan diḵayu baḵon nu awad siniḵapanni. Ippun os kamali'tta intuttuduni ḵan diḵayu.

1 Thessalonians 2:5

Iniiggammuyu we daḵampun paat aḵ nan-uḻ-uḻnug ḵani ya aḵ Apudyus anaḵdoḻe daḵampun paat aḵ an-ugud ḵani ta awad maganabni.

1 Peter 2:3

Te inabusyu napadasan ḵinabaḻun Apu.