2 Corinthians 12:12 - Sa Ugud Apudyus

¹² Te sa inniinggawaḵ ḵan diḵayu, inanusaḵ da losane ampaḵaḻaman atte nangipail-aḵ atta sinyal ya da udume nakaskasdaawe angipaila si ḵabooḻan Apudyus ya sana da amanoḵnoḵ si ḵinaapostolḵu.

2 Corinthians 12:12 ပူးပေါင်းရင်းမြစ်များ

John 4:48

Ḵanan Jesus ḵan siya, “Nu ippun ilanyu'ḵ nakaskasdaawe sinyal, adiḵayupun amati.”

1 Corinthians 14:18

Anggappiyaaḵ te amo ḵabooḻaḵe an-ugud atta sabali ye ugud nu diḵayu losan.

2 Corinthians 11:4

Te nu awad umali sinat aḵ angiwaḻagawag ḵan diḵayu'tte sabali nu sa iwwaḻagawagni ye mipanggob ḵan Jesus, allasu we umapyu ḵayu. Ḵad isuna bose allasu we tumimpuyug ḵayu'tta sabali ye ispiritu ya allasu we unudonyu da sabali ye tuttudu we adipun miyisu'tte Ispiritu Santu ya sa Ambaḻu we Damag we dingngoḻyu ḵan diḵani.

2 Corinthians 11:6

Taḵon ay nu daḵanaḵpun aḵ nalainge an-ugud, adiyaḵpun angkurang atte igammu si mipanggob ḵan Apudyus. Ḵad impaḵaawatni ḵan diḵayu we tuttuwa da sana'tta losane timpu we nantuttuduwanni ḵan diḵayu.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.