2 Corinthians 12:1 - Sa Ugud Apudyus

¹ Ḵasapuḻane pagatupaḵe angiyisḵaḻ taḵon ay nu ippun maganabḵu. Yaḵon ug-uggudoḵ mipanggob atta impailan Apu ḵan saḵone isun di in-inop.

2 Corinthians 12:1 ပူးပေါင်းရင်းမြစ်များ

John 16:7

Yaḵon ibagaḵ ḵan diḵayu ḵatuttuwaan, bumaḻuwanyu nu iyyaḵon te nu adiyaḵ umoyon, adipun umali Bumadang ḵan diḵayu. Yaḵon nu iyyaḵon, ibuunḵu ḵan diḵayu.

John 18:14

Binagbagaan Caiaphas da papangat da Judyu we unnoyna oḵyan ossaan aḵ matoy para'tta tagu.

Acts 18:9

Sillabiyan ḵad, naḵaugud aḵ Apu ḵan Paul atte in-inop woḵ ḵanana, “Adiḵa umogyat yaḵon pagapagatupame angiwaḻagawag atte ugudḵu ya adim iginoḵ,

Acts 23:11

Sa sadi ye labi, nampaila'ḵ Apu Jesus ḵan Paul woḵ ḵanana, “Papigsaom somsomoḵnu te ḵasapuḻane taḵdoḻam mipanggob ḵan saḵon ad Rome we isun ni nanaḵdoḻam ḵan saḵon sina'd Jerusalem.”

1 Corinthians 10:23

Awad da ḵanandae angibaga, “Nawayaaḵe angwa'tta ngaimane pioḵ ḵoon.” Tuttuwae nawayaan taḵu yaḵon daḵampun aḵ ambanag da losane ḵoon taḵu'tte bumaḻuwan taḵu ya daḵampun os aḵ ampapigsa'tta pammatin da buḻun taḵu.

1 Corinthians 14:6

Sinsadi susunudḵu ḵan Kristu nu umaliyaḵ ḵan diḵayu, ngai maganabyu nu an-ugudaḵ atte sabali ye ugude adiyupun maawatan? Awad ḵamman itaḵip ni umaliyaḵ ḵan diḵayu nu ḵatti? Malaksid nu ibagaḵ ḵan diḵayu impailan Apudyus ḵan saḵon baḵon nu ituttuduḵ ḵan diḵayu da banage impaḵaawatna ya ipaigammuḵ da impaigammuna baḵon nu ituttuduḵ ḵan diḵayu da udume igammuḵe ugudna.

1 Corinthians 6:12

Awad da udum ḵan diḵayu we nangibaga ḵanane ḵaḻabbonganni ye angwa'tta losane banag. Yaḵon daḵampun aḵ bumaḻuwan taḵu da losane banage ḵoon taḵu. Siya ḵanaḵe maḵwa ḵooḵ da losane banag yaḵon adiḵpun iyunude ammusassuwonaḵ atta sanae banag.

2 Corinthians 12:11

Isuḵ nin nadong-og gapu'tta sanae inugudḵu si mipanggob atte long-agḵu. Yaḵon diḵayu nangipatut ḵan saḵon te diḵayu oḵyan angitaḵdog ḵan saḵon. Taḵon ay nu ippun patogḵu, daḵampun aḵ nababbabaaḵ nu da ngannonda ḵangatuwane apostol sinat.

2 Corinthians 12:5

Sa annae tagu iyisḵaḻḵu yaḵon sa long-agḵu, adiḵpun iyisḵaḻ yaḵon abus da banage angipaila si ḵinaḵuyaḵ.

2 Corinthians 12:7

Gapu ḵad ta adimpun Apudyus pione ansoḵaḻaḵ gapu'tta ḵinangatun ni nakaskasdaawe impailana ḵan saḵon, iyyunudnae angigga'ḵ Satan aḵ saḵite isun di lutlut-uḵona long-agḵu ya ampaḵaḻamaḵ ta adiyaḵ ansoḵaḻ.

2 Corinthians 12:9

Yaḵon sa insongbatna ḵan saḵon ḵanana, “Lamog ni ḵinabaḻuḵe bumadang ḵan siḵa'ḵ angan-anusam si sanate ampaḵaḻamam. Te amo mipaila ḵabooḻaḵ nu anḵuyaaḵ.” Pun amod de layadḵu we angiyisḵaḻ si ḵinaḵuyaḵ ta iinggaw ḵabooḻan Kristu ḵan saḵon.

2 Corinthians 8:10

Ḵad annaya ibagaḵ ḵan diḵayu si mipanggob atte ibadangyu, ambaḻu nu igangputyu illusyu insaḻad atte ḵesane tawon te diḵayu ummunae nanomsomoḵ ḵan nangisaḻade angitod aḵ badang.

Galatians 1:12

Te daḵampun aḵ tagu nangigammuwaḵ si annae Ambaḻu we Damag. Naippun os udum aḵ nangituttudu yaḵon aḵ Jesu Kristu we mismu nangipaigammu ḵan saḵon.

Galatians 2:2

Ummoyaḵ sidi te impailan Apudyus we sadi ḵasapuḻane ḵooḵ. Dummatong ḵani ḵad, abus aḵ naḵamitingaḵ da papangat woḵ illawlawagḵu ḵan dida Ambaḻu we Damag we iwwaḻagawagḵu'tta Gentil. Adiḵpun pione ippun anun da inayongḵu si awe ya sinsadi.

Ephesians 3:3

Te impaigammun Apudyus ḵan saḵon planunae adipun nipaigammu si awe ḵad siya annae inggiliḵ si suḻatḵu.

1 Thessalonians 4:15

Te annaya tuttudun Apu we ipaigammuni ḵan diḵayu. Sa timpu we umaliyan Apu, ditaḵu we matattagu we natenan inggana si umaliyana, daḵampun aḵ umuna taḵu nu da natoy miyabot ḵan Apu.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.