2 Corinthians 11:28 - Sa Ugud Apudyus

²⁸ Ḵad daḵampun ay aḵ abus da sadi'ḵ angitod atta ampaḵaḻamaḵ yaḵon binigate ambimbinsawaḵ atta losane gimung da namati'tta adu we ili nu ngai gay maḵwa ḵan dida.

2 Corinthians 11:28 ပူးပေါင်းရင်းမြစ်များ

Acts 15:36

Naḻaḵpus ḵad de pigan aḻgaw, ḵanan Paul ḵan Barnabas, “Mipaulita ya inta bisitaon da susunud ḵan Kristu atta siyudade ummoyta nangiwaḻagawagan atte Ugud Apu ya inta ilan nu ngai inonda.”

Acts 18:23

Inninggaw ḵad sidi si pigan aḻgaw, ummoy nanggaḵay atta losane ḵinailin di ili'tte probinsiya'd Galatia ya sa probinsiya'd Phrygia ta umoyna papigsaon pammatin da namati.

Acts 20:2

Ummoyna ginaḵay da namati'tta ḵinailin di ili sidi ta soḻgagona dida woḵ ummoyon ad Achaia we ngannonda Greece.

Acts 9:31

Pun lummin-awa da gimung da namati ḵan Jesus atta adu we ili'tta probinsiya'd Judea, Galilee ya ad Samaria te ippun ogon udum aḵ amaḵaḻam ḵan dida. Gapu si badang ni Ispiritu Santu pummigsa pammatida ya ummaduadu da namati ya isipogda'ḵ Apudyus.

Romans 1:14

Ḵasapuḻane iwaḻagawagḵu Ambaḻu we Damag atta losane tagu, da naadaḻan baḵon nu da ippun adaḻda, da nalaing ya da nadong-og.

Romans 11:13

Sinsadi awad de ibagaḵ ḵan diḵayu we Gentil. Gapu ta dinutuḵan Apudyus saḵon aḵ an-apostolna'tta Gentil, ipatpatogḵu annae ḵewaaḻe nitaḻgod ḵan saḵon

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

Romans 16:4

Impustada da biyagda para ḵan saḵon ḵad daḵampun aḵ abusaḵ aḵ anggappiya ḵan dida yaḵon da losane gimung da namati ye Gentil.

1 Corinthians 7:17

Sa osae namati, pagatupana oḵyan ḵasasaadna si namatiyana te sanat innatod Apu ḵan siya'tte timpu we namiliyan Apudyus ḵan siyae amati ḵan Jesus. Sana da imbilinḵu'tta losane gimung da namati.

Colossians 2:1

Te pioḵe ipaigammu we inniggaḵ ḵabooḻaḵe anḵewaaḻ para ḵan diḵayu we iColossae ya iLaodicea ya da losane daampun angila ḵan saḵon,