2 Corinthians 11:23 - Sa Ugud Apudyus

²³ Ḵad nu ḵanandae anserbida ḵan Kristu, amo nabaḻbaḻu anseserbiḵ ḵan siya nu dida. Isuḵ nin nadongdong-ogane angibaga'tta ḵassana! Amo nasigab ḵewaaḻḵu nu dida, adu timpu we nibaḻudaḵ, naap-aplitaḵ ya adu naamusanaḵ si ḵatoy gapu'tte anserbiyaḵ ḵan Kristu.

2 Corinthians 11:23 ပူးပေါင်းရင်းမြစ်များ

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 20:23

Sa abuse igammuḵ mibaḻudaḵ ḵan mapaḵaḻamaḵ te pinanoḵnoḵan ni Ispiritu Santu ḵan saḵon atta losane siyudade ayaḵ.

Acts 21:11

Ummali ḵan diḵani woḵ innaḻana taḵyad Paul aḵ nanaḵodna'tta imana ḵan suḵina. Pun ḵanana, “Annaya imbagan ni Ispiritu Santu, ‘Ḵaḵna inon da Judyu'd Jerusalem we amaḻud atte sinḵuwa si annae taḵyad ya impuḻangda'tta Gentil.’ ”

Acts 25:14

Inninggawda ḵad sidi si adu we aḻgaw, inug-uggud Festus ḵan Ari Agrippa mipanggob si ḵasus Paul. Ḵanana, “Awad de baḻud sinae tinenan Gobernor Felix.

Acts 27:1

Dummatong ḵad de aḻgawe allibbatanni ḵan Paul we umoy ad Italy, impuḻangda'ḵ Paul ya da udume baḻud ḵan Julius we osa'tta kapitan da Roman army ye ngannonda “Regiment ni Emperor.”

Acts 28:16

Dummatong ḵani ḵad ad Rome, iyyunuddae inggaw aḵ Paul si boḻoye maguwaḻdaan aḵ ossaane suḻdadu.

Acts 28:30

Duwan tawon inniinggawan Paul si boḻoye inabangana'd Rome ḵad minangilina da losane ummoy nangila ḵan siya.

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

Romans 8:36

Te sa ḵanan ni nigili ye Ugud Apudyus, “Gapu ḵan siḵa Apu, pasige sasagganaonni ḵatoy ḵad isunin karnero we madam-an misida.”

1 Corinthians 15:10

Yaḵon gapu'tte ḵinabaḻun Apudyus ḵan saḵon, binaliwanaḵ atte nambalinaḵ sinsadi, daḵampun aḵ ippun nambanagana. Sa naḵwa, nadaldallu pawotḵu we nanḵewaaḻ nu da udume apostol. Yaḵon daḵampun aḵ ḵingwaḵ da sadi gapu'tte mismu we ḵosdoḻḵu yaḵon gapu'tte ḵinabaḻun Apudyus we anna ḵan saḵon.

1 Corinthians 3:5

Ngai ḵad ain aḵ Apollos? Ngai'ḵ Paul? Sammilu ḵani ḵan Apudyus ḵad mipagapu ḵan diḵani namati ḵayu. Awad osa ḵan diḵani ḵoona nipabiyang ḵan siyae innatod Apu ḵan diḵani.

1 Corinthians 4:1

Ibelangyu oḵyan diḵani'ḵ sammilun Kristu we nangitaḻgodan Apudyus si biyange angituttudu si ḵatuttuwaane adipun nipaigammu si awe.

1 Corinthians 4:11

Inggana sinsadi, nauḻat ḵan nauwaw ḵani, kurang da silupni ya ampaḵaḻam ḵani ya ippun ustu'ḵ boḻoyni.

1 Corinthians 4:9

Te sa somsomoḵḵu, nambalinon diḵani ḵan Apudyus aḵ apostol we ḵababaan atta losane isun da naḵoddongan aḵ matoy si sinagung da ḵaaduwane tagu. Te impailana diḵani'tta tagu si annae lubung ta buyaon da tagu ya da anghel.

2 Corinthians 10:7

Itollongyu ḵad da mailan da atayu, ippun ḵamman mailayu'tta naḵwa ḵan diḵayu? Nu ḵanandae dida da ustu we tagun Kristu, siya oḵyan sosomḵonda ḵan maawatanda tagun os Kristu diḵani ye isuni dida.

2 Corinthians 11:5

Sa somsomoḵḵu daḵampun nin aḵ nababaaḵ nu da sanae ḵanandae ḵangatuwane apostolyu.

2 Corinthians 3:6

we siya nangitod atte ḵabooḻanni ye angituttudu si mipanggob atte Baru we Tuḻag Apudyus atta tagu. Ḵad sa sadi ye Baru we Tuḻagna, daḵampun aḵ mibatay si nigili ye lintog nu adi mibatay si ḵewaaḻ ni Ispiritu Santu. Sa ambanagan ni nigili ye lintog, ḵatoy aḵ inggainggana. Yaḵon sa Ispiritu Santu angitod si biyag aḵ inggana.

2 Corinthians 4:11

Tuttuwae sa inggan ni matattaguwanni, pasigni tataggaḻon ḵatoy gapu ḵan Jesus ta sa antatagun Jesus mipaila si annae long-agni ye matoy.

2 Corinthians 6:9

Ḵanan da udum, “Ippun angigammu ḵan diḵani,” yaḵon sa ḵatuttuwaan adu da tagu we angigammu ḵan diḵani. Pasigni sasaggungon ḵatoy yaḵon sinsadi tuttuwae sissiyae matattagu ḵani. Taḵon ay nu nampaḵaḻam ḵani, adiḵanipun natoy.

Galatians 6:17

Inggana sinsadi, ippun oḵyan pos ogon amaḵaḻam ḵan saḵon gapu'tte nangituttuduwaḵ si mipanggob atte kros te sa long-agḵu we napillapillatan, sana angipailae tuttuwae nanserbiyaḵ ḵan Jesus.

Ephesians 3:1

Gapu'tte sana, saḵon aḵ Paul we nambalin aḵ baḻud gapu si nanserbiyaḵ ḵan Jesu Kristu para ḵan diḵayu we Gentil, iluwaḻuwaḵ diḵayu.

Ephesians 4:1

Pun ḵan saḵone nibabaḻud gapu si anserbiyaḵ ḵan Apu, ḵodawoḵ ud ḵan diḵayu ta ibagayyu antataguyu si planun Apudyus we namili ḵan ditaḵu'ḵ taguna.

Ephesians 6:20

Te imbuun Kristu saḵon aḵ angiyugud ḵan siya ta ipaigammuḵ Ambaḻu we Damag we siya gapunae naḵawadanaḵ sinsadi. Pun iluwaḻuwanaḵ ud ta tumuḻodaḵe angiyugud ḵan siya te siya ustu we ḵooḵ oḵyan.

Philippians 1:13

Pun inigammun da losane suḻdadu we nangguwaḻda si palas ya da losane tagu sinae ippun udum aḵ gapun ni nibaḻudaḵ yaḵon sa anserbiyaḵ ḵan Kristu.

Philippians 2:17

Ḵad gapu ta madam-an angongatanda ḵan saḵon, allaylayadaḵ taḵon ay nu ḵasapuḻane mibuḵbuḵ daḻaḵe midoga si datune midatun gapu si pammatiyu ḵan Apudyus. Pun maḵagangganasaḵ ḵan diḵayu losan.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

Colossians 1:29

Iggaḵ losane ḵabooḻaḵ ta mituttuwa da sana'tte angusaraḵ si ampigsae ḵabooḻane innatod Kristu ḵan saḵon.

1 Thessalonians 3:2

Ḵad ibuunni'ḵ Timothy ye sunud taḵu ḵan Kristu ta siya umali ḵan diḵayu. Buḻunni ye anserbi ḵan Apudyus we angiwaḻagawag atte Ambaḻu we Damag mipanggob ḵan Kristu. Imbuunni ta papigsaona ya soḻgagona da pammatiyu,

1 Timothy 4:6

Nu ituttudum da annae bilin atta susunud ḵan Kristu sinat, ambaḻuḵae anserbi ḵan Jesu Kristu. Ḵad ipailame amo naawatam ḵatuttuwaan mipanggob si pammati ya sa ambaḻu we tuttudu we inunudnu.

2 Timothy 1:16

Ḵadaguwan oḵyan Apudyus da Onesiphorus we simbaḻyan te nangampigae sinoḻgagna saḵon. Taḵon ay nibaḻudaḵ sinsadi, adipun mabaine namisita ḵan saḵon.

2 Timothy 1:8

Pun adiḵa mabaine angipanoḵnoḵ si mipanggob ḵan Apu. Adiḵa bos mabain gapu ḵan saḵone nibaḻud gapu'tte nanserbiyaḵ ḵan siya yaḵon anusam attoman ampaḵaḻamam gapu si angiwaḻagawagan taḵu'tte Ambaḻu we Damag. Attomam te papigsaon Apudyus siḵa.

2 Timothy 2:9

Gapu si nangiwaḻagawagaḵ si annae Ambaḻu we Damag, ampaḵaḻamaḵ ya maḵawadanaḵ sina si annae babaḻḻudane isun di pumappatoy. Yaḵon adipun maḵwae maḵawadan Ugud Apudyus.

2 Timothy 3:11

Igammum os da losane naḵwa ḵan saḵon ad Antioch, Iconium ya ad Lystra we ummamdan nampaḵaḻamaḵ. Yaḵon sinaḻaḵnibanaḵ ḵan Apudyus.

Philemon 1:9

Yaḵon gapu'tte ayat, andagdaguwaḵ ḵan siḵa. Ḵooḵ anna, taḵon ay nu saḵon aḵ Paul we maḻmaḻong-ag ḵan nibabaḻud os sinsana gapu ḵan Jesu Kristu.

Hebrews 10:34

Te ḵinadaguwanyu da buḻunyu we nibabaḻud. Ḵad taḵon ay nu sinamsamda da ḵuḵuwayu, inan-anusanyu ginangganas te mismu we igammuyu we awad de nabaḻbaḻu ya annanayune ḵuḵuwayu'd langit.