2 Corinthians 11:22 - Sa Ugud Apudyus

²² Pun nu ḵanandae Hebrewda, Hebrewaḵ os. Ḵad nu ḵanandae dida ganaḵ Israel, siya bos ḵan saḵon. Ḵad nu ḵananda bose dida ganaḵ Abraham, ganaḵaḵ os ḵan Abraham.

2 Corinthians 11:22 ပူးပေါင်းရင်းမြစ်များ

Matthew 3:9

Adiyu ḵanan atta somsomoḵyu we miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu, aḵ Apudyus lamogna ambalinon da annae batu'ḵ ganaḵ Abraham!

Acts 22:3

“Saḵon ḵad, Judyuwaḵ we niyanaḵ ad Tarsus we osae siyudad atte Cilicia yaḵon dummaḵoḻaḵ sina'd Jerusalem. Aḵ Gamaliel mistuluḵ, ummana intuttudu ḵan saḵon da losane lintog da danaḵḵoḻ taḵu. Impapatiḵ ose nanserbi ḵan Apudyus we isuyu sinsadi.

Acts 6:1

Sa sadi ye timpu, ummaduadu da belang da namati ḵan Jesus. Inggaw nansosongbatan da Judyu we Greek ugudda'tta gagangaye Judyu we Hinebrew ugudda. Sa nansosongbatanda imbagan da de Greek we niwaḻang da baḻu we buḻunda si inaḻgawe awwaḻasanda si maḵan.

Romans 11:1

Pun awad de imusoḵ, indiyan ḵad ain Apudyus da Judyu we taguna? Naid! Te saḵone mismu, osaaḵe ganaḵ Israel we naḻpu si abengnae Benjamin we ganaḵ os Abraham.

Romans 9:4

Didae mismu we ganaḵ Israel pinilin Apudyus aḵ nambalin abengna ya dida nangipail-ana si ḵinangatuna. Dida bos naḵatuḻagana si nangittana'tte lintog, intuttuduna ḵan dida ustu we inondae andayaw ḵan siya ya adu bos da inkarina ḵan dida.

Galatians 3:16

Sinsadi, inkarin Apudyus ḵan Abraham ya sa ganaḵna. Sa ugude ganaḵ atte Ugud Apudyus, daḵampun atta adu we ganaḵ piona ugudon yaḵon sa ossaane ganaḵnae aḵ Kristu.

Philippians 3:5

Te ḵan saḵon, nasogyatanaḵ si ḵawaḻun aḻgawḵu, nibuḵnagaḵe ganaḵ Israel, osa'tta ganaḵ Benjamin we osa'tta laḻaḵi ye abeng Israel. Saḵon os gattoḵe Hebrew. Ḵad nu mipanggob os atte lintoge innatod Apudyus ḵan Moses, impapangogḵu tinuttuwa te osaaḵe Pharisee.