2 Corinthians 11:2 - Sa Ugud Apudyus

² Tuttuwae amo angimunaḵ ḵan diḵayu we isun os ni an-iimun Apudyus nu sabali unudonyu. Te isuyun babaḻasange ippun natnattoḵanae intuḻagḵu we miyasawa si os-ossaane laḻaḵi ye siya'ḵ Kristu.

2 Corinthians 11:2 ပူးပေါင်းရင်းမြစ်များ

John 3:29

Sa ḵasasaadḵu isuna buḻbuḻun ni ankasar we laḻaḵi. Ḵad taḵon ay nu daḵampun ḵan siya angikasar si bubai, amod de layadnae midoga si kasar te dongngona gingan ni buḻbuḻunna. Sadi isuna ḵan saḵone amoamod layadḵu sinsadi gapu ḵan Kristu.

Romans 7:4

Ḵad isuna bos ḵan diḵayu susunudḵu ḵan Kristu, napuḵayan ḵayu si ḵaḻabbongan ni lintog mipagapu'tte natoyan Kristu we nidatun para ḵan ditaḵu woḵ nidoga ḵayu ḵan siya si nataguwana. Pun sinsana, nawaya taḵu we anserbi ḵan siya'ḵ madayawan Apudyus.

1 Corinthians 4:15

Te taḵon ay nu adipun mabelang da angayyuwan ḵan diḵayu ḵan Kristu, ossaan amayu. Te saḵon nambalin aḵ amayu gapu si niyossaananyu ḵan Jesu Kristu mipagapu si Ambaḻu we Damag.

2 Corinthians 4:14

Te igammuni ye aḵ Apudyus we nanagu ḵan Apu Jesus, taguwona bos diḵani gapu si niyossaananni ḵan Jesus. Ḵad idogana bos diḵayu we namati ta midoga taḵu losan si igawna.

Galatians 4:11

Pun iyogyatḵu mipanggob ḵan diḵayu te ippun nin anun ni pangogḵu we nantuttudu ḵan diḵayu.

Philippians 1:8

Igammun Apudyus ummamdane ayuḵ ḵan diḵayu te ay-ayatoḵ diḵayu we isun ni an-aayat Jesu Kristu ḵan diḵayu.

Colossians 1:28

Iwaḻagawagni'ḵ Kristu atta losane tagu we usaronni losane laingni ye amagbaga ya angituttudu'tta losane tagu ta da pammatida ippun oḵyan kurangna'tte antotollong Apudyus yaḵon amo maangsanda'tte niyossaananda ḵan Kristu.

1 Thessalonians 2:11

Te inigammuyu we binadanganni sin-ossaossa ḵan diḵayu we isun ni ambabadang ni ama'tta abengna.

Revelation 14:4

Dida bos da adipun naḵabasuḻ mipanggob atta bubai te pasigda ampoḻḵas. Siya inunudda Ubbu we Karnero taḵon ay dinu ayana. Dida da nasubut ta misinada'tta udume tagu ta midatunda ḵan Apudyus ya sa Ubbu we Karnero we isun di umunae maapit ya midatun ḵan Apudyus.