2 Corinthians 10:8 - Sa Ugud Apudyus

⁸ Te taḵon ay nu isun di natuḻ-ayan aḵ aḵit inoḵe nangiyisḵaḻ si mipanggob atte ḵaḻabbonganni ye innatod Apudyus ḵan diḵani ta papigsaonni pammatiyu ya daḵampun aḵ maḵadadail ḵan diḵayu, adiyaḵpun mabain.

2 Corinthians 10:8 ပူးပေါင်းရင်းမြစ်များ

2 Corinthians 1:24

Daḵampun aḵ siya panggobni ipangatanni diḵayu mipanggob si pammatiyu. Yaḵon badanganni diḵayu ta amo lumayad ḵayu te ampigsa pammatiyu.

2 Corinthians 10:4

Te sa armase usaronni daḵampun aḵ naḻpu'tte ḵabooḻan ni long-agni yaḵon naḻpu'tte ḵabooḻan Apudyus we usaronni ye amaginoḵ atta ḵinalaing da nalainge an-ugud.

2 Corinthians 10:9

Adiḵpun pione ḵananyu we og-ogyatoḵ diḵayu'tta suḻatḵu.

2 Corinthians 12:19

Sa somsomoḵyu nin, ibagani da sana ta taḵdoḻanni da long-agni ḵan diḵayu. Yaḵon sa ḵatuttuwaan, abus aḵ ugudonni si sinagung Apudyus gapu ta niyossaan ḵani ḵan Kristu'tta piona ḵad da losane ḵoonni, ḵoonni susunud ta papigsaonni pammatiyu.

2 Corinthians 12:6

Yaḵon nu pioḵe angiyisḵaḻ si long-agḵu, daḵanaḵpun aḵ nadongdong-ogan te ḵatuttuwaan da ibagaḵ. Yaḵon adiḵpun iyisḵaḻ da nipaila ḵan saḵon ta adin da tagu ḵanane nangatuwaḵ gapu'tta innilaḵ. Te pioḵe sa ḵasomsomḵanda ḵan saḵon mibatay atta ḵingwaḵ ḵan imbagaḵe intotollongda ya dingngoḻdae mismu.

2 Corinthians 13:10

Siya gapunae insuḻatḵu da annae ibagaḵ si ippunaḵ ḵan diḵayu ta umaliyaḵ ḵad sinat, daḵampun oḵyan aḵ ḵasapuḻane ipailaḵ ḵaḻabbongaḵe innatod Apu Jesus ḵan saḵon si anuppaḵaḵ ḵan diḵayu. Te sa angusaraḵ oḵyan si annae ḵaḻabbongaḵ sa pumigsaan ni pammatiyu, daḵampun aḵ madadailanyu.

2 Corinthians 13:8

Te adipun maḵwae sullagiyonni ḵatuttuwaan yaḵon labbongni ye taḵdoḻan.

2 Corinthians 7:14

Te impasindayawḵu diḵayu ḵan siya ḵad adiyaḵpun nadismaya'tta imbagaḵ. Te tuttuwa pagay da sadi ye imbagani ya napanoḵnoḵane tuttuwa da sadi ye iyyisḵaḻḵu ḵan Titus.

2 Corinthians 7:4

Antaḻgodaḵ ḵan diḵayu ya ipasindayawḵu diḵayu ya pumigsa pammatiḵ mipagapu ḵan diḵayu. Taḵon ay nu ampaḵaḻamaḵ, allaylayadaḵ gapu ḵan diḵayu.

Galatians 1:1

Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.