2 Corinthians 10:7 - Sa Ugud Apudyus

⁷ Itollongyu ḵad da mailan da atayu, ippun ḵamman mailayu'tta naḵwa ḵan diḵayu? Nu ḵanandae dida da ustu we tagun Kristu, siya oḵyan sosomḵonda ḵan maawatanda tagun os Kristu diḵani ye isuni dida.

2 Corinthians 10:7 ပူးပေါင်းရင်းမြစ်များ

Matthew 23:5

Losane ḵoonda, ḵoonda ta angitollongan da tagu ḵan dida. Te da udum, padaḵoḻonda iiggaan da ḵopele nagiliyan si Ugud Apudyus we imbaḻangatda'tta ḵidayda baḵon nu intaḵodda'tta taḵḵayda. Ḵad piondae alliḵliḵwose ansisillup atta langgoyod.

Luke 16:15

Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

John 7:24

Adi ḵayu anḵuwise mibatay si ḵatollongan yaḵon anḵuwis ḵayu si ustu we anḵuḵuwis.”

1 Corinthians 1:12

Sa pioḵ ugudon, nansabasabali ibagayu te ḵanan da udum, “Aḵ Paul unudonni,” ḵad ḵanan da udum, “Aḵ Apollos unudonni,” ya ḵanan os da udum, “Aḵ Peter unudonni.” Ḵad ḵanan da udum, “yaḵon diḵani ḵad, aḵ Kristu unudonni.”

1 Corinthians 14:37

Pun nu awad osa ḵan diḵayu'ḵ ḵananae naittan aḵ ḵabooḻane angipaigammu si pinion Apudyus baḵon nu awad ḵabooḻana'ḵ innatod ni Ispiritu Santu, ḵasapuḻane bigbigona annae insuḻatḵu ḵan diḵayu we imbilin Apu.

1 Corinthians 15:23

Yaḵon nauḻnus da maḵwa: umuna umuli'ḵ Kristu ya nu dumatong aḻgawe mipauliyana, asiyot da losane nanḵaḵatoye namati midoga ḵan siya.

1 Corinthians 3:23

Diḵayu ḵad, ḵuwan Kristu diḵayu ya aḵ Kristu ḵad, ḵuwan Apudyus.

1 Corinthians 9:1

Saḵon ḵad, daḵampun ḵamman aḵ nawayaaḵ? Daḵampun ḵamman aḵ osaaḵ atta apostol Jesu Kristu? Daḵampun ḵamman aḵ innilaḵe mismu'ḵ Jesus we Apu taḵu? Daḵampun ḵamman os aḵ diḵayu da bungan ni ḵewaaḻḵu ḵan Apu?

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Corinthians 11:18

Yaḵon gapu ta adu da angiyisḵaḻ atta long-agda, ansoḵaḻaḵ os.

2 Corinthians 11:23

Ḵad nu ḵanandae anserbida ḵan Kristu, amo nabaḻbaḻu anseserbiḵ ḵan siya nu dida. Isuḵ nin nadongdong-ogane angibaga'tta ḵassana! Amo nasigab ḵewaaḻḵu nu dida, adu timpu we nibaḻudaḵ, naap-aplitaḵ ya adu naamusanaḵ si ḵatoy gapu'tte anserbiyaḵ ḵan Kristu.

2 Corinthians 11:4

Te nu awad umali sinat aḵ angiwaḻagawag ḵan diḵayu'tte sabali nu sa iwwaḻagawagni ye mipanggob ḵan Jesus, allasu we umapyu ḵayu. Ḵad isuna bose allasu we tumimpuyug ḵayu'tta sabali ye ispiritu ya allasu we unudonyu da sabali ye tuttudu we adipun miyisu'tte Ispiritu Santu ya sa Ambaḻu we Damag we dingngoḻyu ḵan diḵani.

2 Corinthians 12:11

Isuḵ nin nadong-og gapu'tta sanae inugudḵu si mipanggob atte long-agḵu. Yaḵon diḵayu nangipatut ḵan saḵon te diḵayu oḵyan angitaḵdog ḵan saḵon. Taḵon ay nu ippun patogḵu, daḵampun aḵ nababbabaaḵ nu da ngannonda ḵangatuwane apostol sinat.

2 Corinthians 13:3

Ḵooḵ anna gapu ta pionyu we mapanoḵnoḵane an-ugud aḵ Kristu mipagapu ḵan saḵon. Te daḵampun aḵ anḵuya'ḵ Kristu we anusa ḵan diḵayu yaḵon ipailana ḵabooḻana ḵan diḵayu.

2 Corinthians 5:12

Daḵampun aḵ siya panggobni idayawni long-agni'tta annae imbagani. Yaḵon pionni ittan diḵayu'ḵ allapuwanyu we angipasindayaw ḵan diḵani ta lamogyu songbatan da tagu we angipasindayaw atta mailae ḵasasaadda ya daḵampun aḵ sa awad si ustu we ḵasomsomḵanda.

Galatians 3:29

Ḵad gapu ta niyossaan ḵayu ḵan Kristu, nibelang ḵayu'ḵ ganaḵ Abraham ya maḵatawid ḵayu'tta inkarin Apudyus ḵan siya.

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.