2 Corinthians 10:6 - Sa Ugud Apudyus

⁶ Nu ipailayu we losan ḵayu tumuttuwae ustu ḵan Kristu, naḵasagana ḵani ye anusa'tta ngaimane adipun tumuttuwa ḵan siya.

2 Corinthians 10:6 ပူးပေါင်းရင်းမြစ်များ

Romans 2:23

Siya isḵaḻyu Lintog Apudyus we awad ḵan diḵayu yaḵon diḵayu bos angibabbain ḵan Apudyus gapu'tte allisalisanyu'tte lintogna!

1 Corinthians 4:21

Ngai pionyu? Umaliyaḵ ta saplitaḵ diḵayu baḵon nu umaliyaḵ ta iyyaḵ ipaila ayatḵu ḵan anusḵu?

2 Corinthians 13:10

Siya gapunae insuḻatḵu da annae ibagaḵ si ippunaḵ ḵan diḵayu ta umaliyaḵ ḵad sinat, daḵampun oḵyan aḵ ḵasapuḻane ipailaḵ ḵaḻabbongaḵe innatod Apu Jesus ḵan saḵon si anuppaḵaḵ ḵan diḵayu. Te sa angusaraḵ oḵyan si annae ḵaḻabbongaḵ sa pumigsaan ni pammatiyu, daḵampun aḵ madadailanyu.

2 Corinthians 13:2

Sa pigwan ni ummaliyaḵ sinat, binagbagaaḵ da naḵabasuḻ si awe ya da udum ta iginoḵda da ḵoḵoḵḵonda. Ḵad sa sanae ippunaḵ ḵan diḵayu, ḵasinḵu bos bagbagaan didae naippun maḵailigsi si madusaanda si ḵasine umaliyaḵ nu adidapun ingginoḵ da ḵoḵoḵḵonda.

2 Corinthians 2:9

Te sa gapunae nanuḻataḵ, pioḵ pappadason diḵayu ḵan igammuwon nu tumuttuwa ḵayu'tta losane imbagabagaḵ ḵan diḵayu.

2 Corinthians 7:15

Pun sa ayat Titus ḵan diḵayu, amo dummallu te sa sosomḵona losanyu tinuttuwa da imbagana ya sa ḵingwayu we nisagawe nammangili ḵan siya ya ambimbinsaw ḵayu nu ḵingwayu we ustu da nibaga ḵan diḵayu baḵon nu adiyupun.

1 Timothy 1:20

Ḵaḵna isun ni naḵwa ḵan da Hymenaeus ḵan Alexander we impuḻangḵu ḵan Satan ta adaḻondae adida an-ugud aḵ lawweng mipanggob ḵan Apudyus.

3 John 1:10

Pun nu umaliyaḵ sinat, ibagaḵ ḵan diḵayu da ḵingwana ya da ibagabagana mipanggob ḵan diḵani te ippun ḵinatuttuwaan ni ipappabasuḻna ḵan ditaḵu. Ḵad daḵampune abus da sanae banag aḵ dam-ona ḵingwa te adinapun os mangiliyon da susunud taḵu ḵan Kristu we umoy si iliyu. Ḵad iyadina bos da ammangili ḵan dida ya paḻyawona dida'tta namati ye magimugimung.