2 Corinthians 10:12 - Sa Ugud Apudyus

¹² Adiḵanipun antuḻode angiyisu'tte long-agni'tta tagu sinate angiyisḵaḻ atta mismu we long-agda. Yaḵon adidapun maḵimute angiyisu'tta long-agda ḵad ḵanandae sa ambaḻu, siya ḵoonda. Pun anḵadong-ogda, didae mismu angiyis-isu'tta long-agda, dida bose mismu anguwis atta long-agda.

2 Corinthians 10:12 ပူးပေါင်းရင်းမြစ်များ

Luke 18:11

Nillumnoḵda ḵad, summiḵad Pharisee ye bummattawa'tta udum woḵ ḵananae nalluwaḻu, ‘Anggappiyaaḵ Apudyus te adiḵpun isu da udume an-igab, adidapun naun-unan, maḵadagdagasda taḵon ay annate andadagup atta bugis.

Romans 15:18

Te naippun udum aḵ ugudoḵ yaḵon abus da ḵingwan Kristu mipagapu ḵan saḵon aḵ angawis atta Gentil ta tumuttuwada gapu si amatiyanda ḵan Apudyus. Te namatida gapu'tte nantuttuduwaḵ ya da ḵingwaḵ,

2 Corinthians 10:11

Da ḵassadi ye tagu, maawatanda oḵyane losane insuḻatni ḵan diḵayu si maidanni, siya bos ḵoonni nu anna ḵani ḵan diḵayu.

2 Corinthians 10:18

Te sa tuttuwae awaton Apudyus, daḵampun aḵ sa angiyisḵaḻ si long-agna yaḵon sa iyisḵaḻ Apudyus.

2 Corinthians 3:1

Sa nangugudanni'tte sana, adiyu ḵanane idayawni long-agni. Adinipun ḵasapuḻan suḻate angidayaw ḵan diḵani ḵan diḵayu baḵon nu awad suḻat aḵ maḻpu ḵan diḵayu we idayaw diḵani'tta udume isun ni ḵoon da udum.

2 Corinthians 5:12

Daḵampun aḵ siya panggobni idayawni long-agni'tta annae imbagani. Yaḵon pionni ittan diḵayu'ḵ allapuwanyu we angipasindayaw ḵan diḵani ta lamogyu songbatan da tagu we angipasindayaw atta mailae ḵasasaadda ya daḵampun aḵ sa awad si ustu we ḵasomsomḵanda.