2 Corinthians 10:1 - Sa Ugud Apudyus

¹ Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Corinthians 10:1 ပူးပေါင်းရင်းမြစ်များ

Matthew 11:29

Unudonyu da bilinḵu ḵan an-adaḻ ḵayu ḵan saḵon te naanusaḵ ḵan napakumbabaaḵ woḵ maillongan ḵayu.

Matthew 21:5

“Ibagayu'tta tagu'd Jerusalem, ‘Annat Ariyu we umali ḵan diḵayu we impakumbabana long-agnae nangabayu si ubbun ni donkey.’ ”

Acts 8:32

Sa sadi ye binasabasana, ḵanana, “Giginnoḵe isunan karnero we gumiginnoḵ si iyoyda'tte lugar we papartiyan ya isuna bos ubbun ni karnero we giginnoḵ nu puḵisanda.

Romans 10:20

Antuḻod os aḵ Profeta Isaiah we nangibaga'tta imbagan Apudyus we ḵanana, “Indasanaḵ atta daḵampun aḵ angngit ḵan saḵon, ḵad nampailaaḵ atta daḵampun aḵ angim-imus mipanggob ḵan saḵon.”

Romans 12:1

Pun susunud ḵan Kristu, ḵodawoḵ ḵan diḵayu we gapu'tte ḵadagun Apudyus idatunyu da long-agyu ḵan siya'ḵ matattagu we datun ya mitotoḵḵon ḵan Apudyus ya mas-omana. Sana ustu we inonyu we andayaw ḵan siya.

Romans 15:15

Yaḵon natuḻodaḵe nangigili'tta annae banag ta awad angiḵagasmoḵanyu gapu'tte ḵinabaḻu we impailan Apudyus ḵan saḵon

1 Corinthians 2:3

Sa inninggawaḵ ḵan diḵayu, anḵuya long-agḵu ya amilpilpilaḵ atte ḵimutḵu.

1 Corinthians 4:10

Diḵani ḵad, gapu'tte nanserbiyanni ḵan Kristu, ḵanandae dong-og ḵani. Yaḵon ḵan diḵayu, ḵananyu we nalaing ḵayu gapu'tte niyossaananyu ḵan Kristu. Diḵani ḵad, anḵuya ḵani yaḵon diḵayu ḵad, anḵosdoḻ ḵayu. Am-amsewon os da tagu diḵani ya mapatgan ḵayu ḵan dida.

1 Corinthians 4:21

Ngai pionyu? Umaliyaḵ ta saplitaḵ diḵayu baḵon nu umaliyaḵ ta iyyaḵ ipaila ayatḵu ḵan anusḵu?

2 Corinthians 10:10

Awad nin da udum ḵan diḵayu we ḵanandae antuḻodaḵe anuḻat atta pioḵ ibaga ḵan diḵayu yaḵon nu annaaḵ si sinagungyu anḵuyaaḵ ya ippun os anun da ibagaḵ.

2 Corinthians 10:2

andagdaguwaḵ ḵan diḵayu ta adipun ḵasapuḻane ipailaḵ tuḻodḵu ḵan diḵayu nu umaliyaḵ sinat. Te naḵasaganaaḵe anuppaḵ atta ḵanandae nainlubungan da ugalini ḵan panggobni.

2 Corinthians 10:7

Itollongyu ḵad da mailan da atayu, ippun ḵamman mailayu'tta naḵwa ḵan diḵayu? Nu ḵanandae dida da ustu we tagun Kristu, siya oḵyan sosomḵonda ḵan maawatanda tagun os Kristu diḵani ye isuni dida.

2 Corinthians 11:21

Mabainaḵe angibagae diḵani ḵad, ippun tuḻodni ye angwa'tte isun ni ḵingwada ḵan diḵayu! Yaḵon nu mipanggob atte tuḻoddae angiyisḵaḻ atta long-agda, ḵooḵ os ta an-ugudaḵe isun di nadongdong-ogan!

2 Corinthians 11:30

Nu ḵasapuḻane ansoḵaḻaḵ, siya isḵaḻḵu da banage angipaila si ḵinaḵuyaḵ.

2 Corinthians 12:5

Sa annae tagu iyisḵaḻḵu yaḵon sa long-agḵu, adiḵpun iyisḵaḻ yaḵon abus da banage angipaila si ḵinaḵuyaḵ.

2 Corinthians 3:12

Gapu ta anna ḵan diḵani ḵaḵnate namnamaonni ye iinggaw aḵ inggana Baru we Tuḻag, amod de tuḻodni ye angiwaḻagawag si Ambaḻu we Damag.

2 Corinthians 5:20

Pun sinsadi, isun di aḵ Apudyus we mismu angawis ḵan diḵayu mipagapu'tte angusarana ḵan diḵani ye angituttudu ḵan diḵayu si ugudnae isunan diḵani angiyugud ḵan Kristu. Ḵad gapu ḵan Kristu, iyunudyu ḵappose mipaḻ-og maḵabuḻbuḻunanyu ḵan Apudyus.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

2 Corinthians 7:4

Antaḻgodaḵ ḵan diḵayu ya ipasindayawḵu diḵayu ya pumigsa pammatiḵ mipagapu ḵan diḵayu. Taḵon ay nu ampaḵaḻamaḵ, allaylayadaḵ gapu ḵan diḵayu.

Galatians 4:13

Sosomḵonyu ḵad, sa gapun ni inunaḵ iwwaḻagawag Ambaḻu we Damag ḵan diḵayu, anḵuya long-agḵu pun inninggawaḵ ḵan diḵayu sinat.

Galatians 5:2

Andongoḻ ḵayu! Saḵon aḵ Paul. Ibagaḵ ḵan diḵayu we nu ampasogyat ḵayu, piona ugudone ippun anun Kristu ḵan diḵayu.

Ephesians 3:1

Gapu'tte sana, saḵon aḵ Paul we nambalin aḵ baḻud gapu si nanserbiyaḵ ḵan Jesu Kristu para ḵan diḵayu we Gentil, iluwaḻuwaḵ diḵayu.

Ephesians 4:1

Pun ḵan saḵone nibabaḻud gapu si anserbiyaḵ ḵan Apu, ḵodawoḵ ud ḵan diḵayu ta ibagayyu antataguyu si planun Apudyus we namili ḵan ditaḵu'ḵ taguna.

Philippians 4:5

Ipailayu ḵinaanusyu'tta losane tagu te madam-an umaliyan Apu.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

2 Thessalonians 3:17

Saḵon aḵ Paul we nangigili'tte anungus ni annae suḻate impaigiliḵ. Ḵingwaḵ atta losane suḻatḵu ta maigammu we tuttuwae naḻpu ḵan saḵon te lamogyu imatunan sinyal ḵan inoḵe anggili.

Philemon 1:19

Ilam ḵad! Saḵone mismu nangigili si anna ya nampilma ta angigammuwame ituttuwaḵ da imbagaḵ. Saḵon aḵ Paul. Bayadaḵ utang Onesimus. Yaḵon adim maliwatane nautanganḵa ḵan saḵon gapu'tte baru we biyagnu te binadangaḵ siḵae nambalin aḵ kristianu.

Philemon 1:9

Yaḵon gapu'tte ayat, andagdaguwaḵ ḵan siḵa. Ḵooḵ anna, taḵon ay nu saḵon aḵ Paul we maḻmaḻong-ag ḵan nibabaḻud os sinsana gapu ḵan Jesu Kristu.

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.