2 Corinthians 1:7 - Sa Ugud Apudyus

⁷ Ḵad ippun duwaduwan ni namnamani ḵan diḵayu te igammuni ye taḵon ay nu napadasanyu ampaḵaḻamane isun ni nampaḵaḻamanni, papigsaon Apudyus pammatiyu we isun ni namapigsaana ḵan diḵani.

2 Corinthians 1:7 ပူးပေါင်းရင်းမြစ်များ

Matthew 23:30

Ḵad ḵananyu we, ‘Nu siya oḵyan nabiyaganni timpun da danaḵḵoḻni, adiḵanipun oḵyan naḵaḵḵaila ḵan didae nanggongat atta profeta.’

1 Corinthians 10:13

Naippun impadasyu'ḵ sulisug aḵ adin os da udume tagu impadas. Yaḵon aḵ Apudyus mataḻgodan te adinapun iyunude masulisug taḵu'tta aditaḵupun lamog maattoman. Yaḵon nu awad sulisug, siyae mismu angwa si inon taḵu we miligsi ta lamog taḵu maattoman.

2 Corinthians 12:20

Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu.

2 Corinthians 7:9

Yaḵon sinsana allaylayadaḵ, daḵampun aḵ gapu'tte nandadauyan ni somsomoḵyu yaḵon gapu'tte nandadauyanyu nangitod atte nambabawiyanyu'tta basuḻyu ya nangiyagayanyu we nangwa. Te inusar Apudyus nandadauyan ni somsomoḵyu'ḵ bumaḻuwanyu woḵ sadi ippun lawweng aḵ naḵwa ḵan diḵayu'tte mipagapu ḵan diḵani.

2 Timothy 2:12

Nu inaattoman taḵu ampaḵaḻaman, midoga taḵu bos ḵan siya si ampangatana, yaḵon nu puḵlitan taḵu, puḵlitana bos ditaḵu.

2 Timothy 3:11

Igammum os da losane naḵwa ḵan saḵon ad Antioch, Iconium ya ad Lystra we ummamdan nampaḵaḻamaḵ. Yaḵon sinaḻaḵnibanaḵ ḵan Apudyus.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.