2 Corinthians 1:1 - Sa Ugud Apudyus

¹ Susunudḵu ḵan Kristu, saḵon aḵ Paul we apostol Jesu Kristu we nibatay si pinion Apudyus ya sa buḻunḵu sina aḵ Timothy ye sunud taḵu ḵan Kristu. Ḵad annaya suḻatḵu ḵan diḵayu'tta magimugimunge namati ḵan Apudyus ad Corinth ya da losane tagun Apudyus atte intero we probinsiya'd Achaia.

2 Corinthians 1:1 ပူးပေါင်းရင်းမြစ်များ

Acts 16:1

Ummoy os da Paul ḵan Silas ad Derbe ya ad Lystra. Sidi inninggawan Timothy ye osae namati. Namati bos inanae Judyu yaḵon Gentil amana.

Romans 15:26

Te da tagun Apudyus si probinsiya'd Macedonia ya Achaia, sillalaylayaddae nangitod aḵ badangda'tta ḵapuse tagun Apudyus ad Jerusalem.

Romans 16:21

Aḵ Timothy ye buḻunḵu we nanḵewaaḻ, pakumustaona diḵayu, isuna bos atta dogaḵe Judyu we da Lucius ḵan Jason ya aḵ Sosipater.

Romans 16:5

Pakumustaonyu bos da namati ye magimugimung si boḻoydae andayaw ḵan Apudyus. Pakumustaonyu'ḵ Epaenetus we ay-ayatoḵe siya ḵaunaane namati ḵan Kristu atte probinsiya'd Asia.

1 Corinthians 10:32

Ḵad ummanyu ta adiyu ḵoon bumasuḻan da udum taḵon ay da Judyu baḵon nu Gentil baḵon nu da magimugimunge namati ḵan Apudyus.

1 Corinthians 16:10

Ḵad nu umali'ḵ Timothy sinat, ilanyu ta ummanyu mangiliyon ta adi umogyat ḵan diḵayu te siya bos osae angwa'tta paḵwan Apudyus we isun os ni ḵooḵ.

1 Corinthians 16:15

Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus.

1 Corinthians 16:24

Ay-ayatoḵ diḵayu losan mipagapu ḵan Jesu Kristu. Amen.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

2 Corinthians 1:19

Te aḵ Jesu Kristu we Abeng Apudyus we iwwaḻagawagni ḵan da Silas ya aḵ Timothy ḵan diḵayu, adinapun baliwan ibagana nu adi pasige ituttuwana.

2 Corinthians 1:23

Yaḵon sinsadi, aḵ Apudyus anaḵdoḻ ḵan saḵone tuttuwa annae ibagaḵ. Adiyaḵpun nipauli sinat ad Corinth te adiḵpun pione paḻawengon somsomoḵyu nu suppaḵaḵ diḵayu'tta ḵingwayu.

2 Corinthians 11:10

Sa ḵatuttuwaan anna'ḵ Kristu ḵan saḵon, tuttuwa bose naippun ḵallabbong taḵon ay ngaiman atta losane ili si probinsiya'd Achaia aḵ maḵwae amaginoḵ ḵan saḵone angiyisḵaḻ si anna.

2 Corinthians 9:2

Te igammuḵe allaay ḵayu we bumadang woḵ siya iyyisḵaḻḵu mipanggob ḵan diḵayu'tta gimung da namati'd Macedonia. Imbagaḵe naḵasagana ḵayu sinat ad Achaia we bumadang inggan ni ḵesane tawon. Ḵad gapu'tte sadi ye imbagaḵ, nasoḻgag da ḵaaduwan ḵan didae bumadang.

Galatians 1:1

Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya.

Galatians 3:26

Te losan ḵayu nibelang aḵ dummaḵoḻe abeng Apudyus mipagapu si pammatiyu ḵan Jesu Kristu si niyossaananyu ḵan siya.

Ephesians 1:1

Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

1 Thessalonians 1:1

Saḵon aḵ Paul ya da buḻunḵu we da Silas ḵan Timothy. Annaya suḻatni'tta namati ye magimugimung ad Thessalonica we da nidoga ḵan Apudyus we Ama taḵu ya aḵ Apu Jesu Kristu. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus.

1 Thessalonians 3:2

Ḵad ibuunni'ḵ Timothy ye sunud taḵu ḵan Kristu ta siya umali ḵan diḵayu. Buḻunni ye anserbi ḵan Apudyus we angiwaḻagawag atte Ambaḻu we Damag mipanggob ḵan Kristu. Imbuunni ta papigsaona ya soḻgagona da pammatiyu,

2 Thessalonians 1:1

Saḵon aḵ Paul ya da buḻunḵu we da Silas ḵan Timothy. Annaya suḻatni'tta namati ye magimugimung ad Thessalonica we da nidoga ḵan Apudyus we Ama taḵu ya aḵ Apu Jesu Kristu.

1 Timothy 1:1

Saḵon aḵ Paul we nadutuḵan aḵ apostol we sammilun Jesu Kristu, gapu'tte bilin Apudyus we anagu ḵan ditaḵu ya aḵ Jesu Kristu we namnamaon taḵu'ḵ angwa'tta losane uuwayon taḵu.

2 Timothy 1:1

Saḵon aḵ Paul we apostol Jesu Kristu te siya pinion Apudyus. Imbuunna saḵon aḵ umoy angiwaḻagawag si biyage inkarin Apudyus ḵan ditaḵu we nidoga ḵan Jesu Kristu.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

Philemon 1:1

Saḵon aḵ Paul we nibabaḻud gapu si nanserbiyaḵ ḵan Jesu Kristu. Aḵ Timothy ye sunud taḵu ḵan Kristu buḻunḵu sina. Annaya suḻatni ḵan siḵa Philemon we ay-ayatonni ye buḻbuḻun ya buḻunni ye anḵewaaḻ.

Hebrews 13:23

Pioḵe ipaigammu ḵan diḵayu we napuḵayan aḵ Timothy ye sunud taḵu ḵan Kristu atte babaḻḻudan. Ḵad nu masapa dumatong, umali ḵani sinat ta inḵani diḵayu gaggaḵayon.