1 Timothy 6:6 - Sa Ugud Apudyus

⁶ Tuttuwae daḵoḻ maganab ni tagu we matagu si naapudyusane biyag nu mat-op atta awad ḵan siya.

1 Timothy 6:6 ပူးပေါင်းရင်းမြစ်များ

Luke 12:15

Ḵanana'tta losane tagu, “Ummanyu ta adi ḵayu masulisug ya maḵabasuḻ si ḵamommod atta ḵuḵuwan da buḻunyu. Te sa biyag daḵampun aḵ mibatay atta ḵuḵuwa, taḵon ay nu ngai ḵinabaḵnang taḵu.”

Luke 3:14

Inninggaw os da suḻdadu we ummoy nan-imus ḵan siya woḵ ḵananda, “Diḵani ḵad, ngai ḵoonni?” Ḵanana ḵan dida, “Adiyu ḵoḻḵogon baḵon nu pabasuḻon da ngaimane tagu ta aḻanyu da pilaḵda ḵad mat-op ḵayu oḵyan os atta tangdanyu.”

Romans 8:28

Igammu taḵu we losane banage maḵwa antitimpuyugda ta ambanag atte bumaḻuwan da angay-ayat ḵan Apudyus ya da pinilina sigun atte panggobna.

2 Corinthians 4:17

Te da annae sin-aḵitane ampaḵaḻamanni, ambanag aḵ ḵabaḻuwane antatagu ḵan Apudyus ad langite ippun patinggana ḵan ippun miyisuwana.

Philippians 1:21

Te ḵan saḵon, naippun udum aḵ panggobḵu'tte mataguwaḵ yaḵon sa madayawan Kristu. Yaḵon nabaḻbaḻu nu matoyaḵ.

1 Timothy 4:8

Awad de patogna nu paḵosdoḻon taḵu da long-ag taḵu we angwa'tta ḵoon taḵu. Yaḵon simbumaḻu nu paḵosdoḻon taḵu naapudyusane biyag te sadi gattoḵe naḻpuwan ni maganab taḵu si biyag taḵu sinsadi ya nu awad taḵu pos pagay ad langit.

1 Timothy 6:8

Pun nu awad ḵanon taḵu ḵan ansilup taḵu, mat-op taḵu oḵyan.

Hebrews 13:5

Adiyu ḵamommodon adu we pilaḵ. Mat-op ḵayu oḵyan atta awad ḵan diḵayu. Te ḵanan Apudyus, “Aaddi ye adiḵpun paat diḵayu tenan baḵon nu iwaḻang.”