1 Timothy 6:20 - Sa Ugud Apudyus

²⁰ Ḵan siḵa Timothy, ayyuwanam da intaḻgod Apudyus ḵan siḵa. Adayuwam da ug-uggude daḵampun aḵ mipanggob atte tuttuwae Apudyus ya da misullagi ye tuttudu we ngannonda laing yaḵon niḵawasda'tte ḵatuttuwaan.

1 Timothy 6:20 ပူးပေါင်းရင်းမြစ်များ

Acts 16:1

Ummoy os da Paul ḵan Silas ad Derbe ya ad Lystra. Sidi inninggawan Timothy ye osae namati. Namati bos inanae Judyu yaḵon Gentil amana.

Acts 17:18

Inninggaw os da udume mimistulun da Epicurean ya da Stoic we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.

Acts 17:21

Sadi imbagada te da losane iyAthens ya da ḵaḵḵaili ye inggaw sidi, sa abuse ḵoonda, ibagada baḵon nu andodongngoḻda'tta baru we tuttudu.

Romans 1:22

Ḵanandae nalaingda yaḵon nambalinda'ḵ dong-og.

Romans 3:2

Sa ḵatuttuwaan, ampatog tagu we mibelang aḵ Judyu. Sa umuna, ditaḵu nangitaḻgodan Apudyus si nigili ye ugudna.

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.

1 Corinthians 3:19

Te sa nainlubungane ḵinalaing, dinodong-og ḵan Apudyus. Te awad de nigili ye Ugud Apudyus we ḵanana, “Sa usaron Apudyus aḵ angngogana'tta aginlalainge tagu, sa mismu we ḵinasiḵapda.”

Colossians 2:18

Adiyu tuttuwaon da potogonda diḵayu ya ipatutdae tuttuwaonyu da ngilinonda ya andayaw atta anghel. Yaḵon da annae tagu, ansoḵaḻdae siya ambatayanda da naippun anunae nainlubungane ansosomsomoḵda te ḵanandae inninggaw nampaila ḵan dida si isun di in-inop.

Colossians 2:8

Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

2 Thessalonians 1:4

Pun nu inḵani bisitaon da gimung da namati ḵan Apudyus atta ḵinailin di ili, isḵaḻni diḵayu'tte ḵinaanusyu ya sa angipapuutanyu we amati taḵon ay nu amod da ampaḵaḻamanyu gapu'tta pammatiyu.

2 Thessalonians 2:15

Pun susunudḵu ḵan Kristu, gogomgomanyu ḵan uunnudonyu oḵyan da tuttudu we intuttuduni ḵan diḵayu si inninggawanni sinat ya da insuḻatni ḵan diḵayu.

1 Timothy 1:11

Sa ḵatuttuwaane intuttuduḵ, mibatay si Ambaḻu we Damag we intaḻgod ni ḵangatuwan ḵan madaydayawe Apudyus ḵan saḵon.

1 Timothy 1:2

Annaya suḻatḵu ḵan siḵa Timothy ye ibelangku'ḵ tuttuwae abengḵu'tte pammati ḵan Jesu Kristu. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

1 Timothy 1:4

Ḵad ibagam ḵan dida ta adida dodongngon da ug-uggud da iyawe ya sa anduandu we listaan da ganaḵda. Te sana gapun ni ansosongbatan da tagu. Daḵampun aḵ bumadang si mituttuwaan ni planun Apudyus we ipaigammuna mipagapu si pammati.

1 Timothy 1:6

Awad da udume nan-awidanda da pammatida woḵ siya gay impapuutda ippun anunae sossongbat.

1 Timothy 1:9

Annaya maawatan taḵu, daḵampun aḵ naḵwa lintog para'tta naun-unan yaḵon para'tta tagu, da adipun anuttuwa si lintog, da ippun pammatida ḵan Apudyus, da ḵabasbassuḻan, da adipun andaydayaw ḵan Apudyus ya da angang-angyag ḵan Apudyus. Da angongat atta amada ḵan inada. Da angongat atta asintataguda,

1 Timothy 4:7

Adim dongngon da ug-uggud da iyawe ye ippun panggobna te daḵampun aḵ mipanggob atte tuttuwae Apudyus. Yaḵon paingsaome angadaḻ ḵan angunud atte naapudyusane biyag.

1 Timothy 6:11

Yaḵon siḵae osae tagun Apudyus, ḵasapuḻane an-awidam da sana ya iggam ḵabooḻame angunud si ustu ḵan naapudyusane biyag. Ḵad papigsaom pammatim ḵan Apudyus, sa ayatnu, sa ḵinaanusnu ya sa an-ammaye biyag atta asintatagum.

1 Timothy 6:14

Ḵasapuḻane tuttuwaom da losane bilin Apudyus ya ilam ta ippun miḵawas si ituttudum baḵon nu ippun ipabasuḻda ḵan siḵa inggana si mipauliyan Apu taḵu we Jesu Kristu.

2 Timothy 2:1

Ḵan siḵae abengḵu, papigsaom pammatim mipagapu si ḵinabaḻun Jesu Kristu ḵan ditaḵu we niyossaan ḵan siya.

2 Timothy 2:16

Adiḵa midoga'tta ippun anunae ug-uggude daḵampun aḵ mipanggob atte tuttuwae Apudyus te da angwa'tta sanae banag, amo umadayuda ḵan siya.

Titus 1:14

ya adida tuttuwaon da ḵingḵingwae ug-uggud da Judyu ya da bilin da tagu we nan-awidanda ḵatuttuwaan.

Titus 1:4

Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.

Titus 1:9

Sa mipanggob si pammatina, ḵasapuḻane gogomgomana da ḵatuttuwaane nagangput nituttudu ḵan siya ta lamogna ituttudu ustuustu we tuttudu'tta buḻunna ya soḻgagona didae angunud ḵan suppaḵana da sumullagi si ḵatuttuwaan.

Titus 3:9

Yaḵon adayuwam da naippun anunae ansosongbatan di tagu, da mituttudu mipanggob atta listaan da ngadan da iyawe ya da susubog atte Lintog Moses. Te da sadi ye susubog, naippun paat ambaḻu'ḵ ambanaganda ḵad ngai ibadangda si pammati taḵu?

Revelation 3:3

Sosomḵonyu da nituttudu ḵan inawatyu'tte awe. Ḵasapuḻane patiyonyu dida ya ibabawiyu da basuḻyu ya agayyu we angwa. Te nu adiḵayupun bumangon, umaliyaḵe mapoḵḵatane isun ni aḵḵawan ta dusaoḵ diḵayu ya adiyupun igammu timpu we umaliyaḵ.