1 Timothy 6:17 - Sa Ugud Apudyus

¹⁷ Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

1 Timothy 6:17 ပူးပေါင်းရင်းမြစ်များ

Matthew 12:32

Ḵad ngaimane an-ugud aḵ lawweng si mipanggob ḵan saḵone Abeng Di Tagu, maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus sinsadi ya sa umali ye timpu.”

Matthew 19:23

Pune sadi ḵanan Jesus atta disipuluna, “Ibagaḵ ḵan diḵayu ḵatuttuwaan, anḵamnuḵamnut midog-an da babaḵnang si ampangatan Apudyus.

Matthew 25:16

“Ḵingwan ḵad ni naittan aḵ limallibu we palata, innigusunae dagus woḵ naḵagalansiya bos aḵ limallibu we palata.

Matthew 27:57

Masdom ḵad, dummatong osae baḵnange iyArimathea we nangngadan aḵ Joseph. Siya osae disipulun os Jesus.

Matthew 6:32

Te ḵaḵnat singsington da losane tagu we adipun angigammu ḵan Apudyus. Yaḵon ḵan diḵayu, iniiggammun Amayu'd langit da ḵasapuḻanyu.

Mark 10:24

Natataag da disipuluna'tte dingngoḻda imbagan Jesus yaḵon iḵasiḵasinna ḵanane, “Abengḵu, atomagay ḵamnut ni midog-an da tagu si ampangatan Apudyus!

Luke 19:2

inggaw baḵnange pangat da andadagup atta bugis, sa ngadanna ḵad Zacchaeus.

Luke 3:11

Ḵanana, “Ngaimane duwa silupna, ittona oḵyan osa'tte ippun silupna. Ḵad sa ansawaḻ aḵ maḵan, angitod oḵyan atta ippun ḵanonda.”

Acts 14:17

Yaḵon adinapun iyyunude ippun anaḵdoḻ te ḵingwana ambaḻu. Innatodna udan ya sa adu we apit ya nangitod si adu we maḵan ta awad ḵat-opanyu ya lumayadanyu.”

Acts 14:27

Dummatongda ḵad ad Antioch, nandaḵdaḵngonda da losane namati woḵ imbagada da losane ḵingwan Apudyus ḵan dida ya sa inonae nangitod si gundaway da Gentil ta amatida.

Acts 17:25

Adinapun ḵasapuḻan badang da tagu te siyae mismu nangitod atte biyag, angos ya da losan.

Romans 11:20

Tuttuwa sanat. Naspaḵda te adidapun namati yaḵon nipasani ḵayu gapu'tte namatiyanyu. Pun adiyu ipasindayaw yaḵon ummaummanyu.

Ephesians 5:5

Te inigammuyu we naippun maḵadagdagas ya angwa'tta ḵababbain aḵ midoga si ampangatan Kristu ya aḵ Apudyus. Isuna bos da ḵamommodona ḵuwan da udum te sa ḵamommodna, siya isun di apudyusna.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

1 Thessalonians 1:9

On didae mismu nangug-uggud atte inonyu we nammangili ḵan diḵani ya sa inonyu bose nangiyagaye amati'tta sinan-apudyus woḵ ansagung ḵayu anserbi'tte tuttuwa ḵan matattagu we Apudyus.

1 Timothy 1:3

Timothy, adim maliwatan imbagaḵ ḵan siḵa si ayonaḵ ad Macedonia. Ḵodawoḵ ḵan siḵae inggawḵa'd Ephesus ta bilinom da udume tagu sinat ta agaydae angituttudu si tinutuli ye tuttudu.

1 Timothy 3:15

Nu mataḵtaḵaḵ, igammuwom da inon ni antatagun da tagu we nidoga si baḻyan Apudyus. Ditaḵu we namati si matattagu we Apudyus nangitaḻgodana si tuttuwae tuttudu ta ilan taḵu we mituttudu we ustu ya adipun mapasantan.

1 Timothy 4:10

Siya gapunae igga taḵu ḵabooḻan taḵu te sadi namnamaon taḵu ḵan Apudyus we matattagu we anagu'tta losane tagu, dallu gay ditaḵu we namati.

1 Timothy 5:21

Bilinoḵ siḵa'tte sinagung Apudyus ya aḵ Jesu Kristu ya da nadutuḵane anghelna ta tuttuwaom da annae ibagaḵ. Ḵad ippun oḵyan piliyam yaḵon an-iisuwom da losane tagu.

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.

1 Timothy 6:9

Yaḵon da tagu we piondae bumaḵnang, allasu we masubsubda ya matappoḵanda'tte dinodong-og ya maḵadadail atte pion ni long-ag. Ḵad siya anadail ḵan angilugut ḵan dida'tte dusae ippun anungusna.

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

Titus 2:12

Gapu'tte sanae ḵadaguna, ituttuduna ḵan ditaḵu we an-awidan taḵu da losane ummadayuwan taḵu ḵan siya ya da losane amaamayon ta tupodon taḵu da long-ag taḵu. Ḵad unudon taḵu naun-unan ya sa naapudyusane antatagu si annae lubung.

Titus 3:6

Ḵad allaaye nangitod si Ispiritu Santu ḵan ditaḵu gapu ḵan Jesu Kristu we Anagu ḵan ditaḵu.

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.