1 Timothy 5:5 - Sa Ugud Apudyus

⁵ Sa baḻu we ippun paat osa'ḵ angayyuwan ḵan siya, namnamaonae aḵ Apudyus bumadang ḵan siya. Ḵad pagapagatupanae alluwaḻu ya anḵodaw aḵ badang atte inaḻgaw ḵan nilabi.

1 Timothy 5:5 ပူးပေါင်းရင်းမြစ်များ

Luke 18:1

Pun imbagan Jesus atta disipuluna annae pani ta tuttuduwana didae patilayunda alluwaḻu ya adida mappog.

Luke 18:7

Adimpun ḵamman Apudyus itton ḵalintogan da pinilinae tagu we anḵodaw aḵ ḵadagu ḵan siya si inaḻgaw ya nilabi? Itaḻyanna ḵamman badangna?

Luke 2:37

Sissiyae baḻu inggana'ḵ nantawon aḵ waḻumpuḻu ya opat. Patilayun umoy si paway ni templo ta andayaw ḵan alluwaḻu ḵan Apudyus atte inaḻgaw ḵan nilabi. Patilayune allaun ta alluwaḻu.

Acts 26:7

Sa sanae inkarin Apudyus, sanat namnamaon da ganaḵ da nasawaḻan aḵ duwae abeng Israel we mituttuwa ḵan dida. Siya gapunae nandaydayawda ḵan Apudyus atte inaḻgaw ḵan nilabi. Gapu si annae namnamae inkarin Apudyus, siya namabasuḻan da Judyu ḵan saḵon, Apu Ari.

Acts 6:1

Sa sadi ye timpu, ummaduadu da belang da namati ḵan Jesus. Inggaw nansosongbatan da Judyu we Greek ugudda'tta gagangaye Judyu we Hinebrew ugudda. Sa nansosongbatanda imbagan da de Greek we niwaḻang da baḻu we buḻunda si inaḻgawe awwaḻasanda si maḵan.

Acts 9:39

Pun nallibbat aḵ Peter woḵ nibuḻun ḵan dida. Dummatongda ḵad, impuyutda'tte ngatu we kuwartu we igaw ni natoy. Sin-iibil da losane baḻu we sisiḵad si daḻnig Peter woḵ ipailada ḵan Peter da langgoyod ya da udume silupe ḵingwan Dorcas si inninggawana ḵan dida.

Acts 9:41

Innonnan Peter imana woḵ pinataḵdogna. Pun inayagana da sadi ye baḻu ya da udume tagun Apudyus woḵ impailana ḵan dida'ḵ Dorcas we natagu.

Romans 1:12

Sa pioḵ ibaga, an-asisoḻgag taḵu si pammati ta pumigsa pammatiḵ mipagapu'tta pammatiyu ya pumigsa bos pammatiyu gapu si pammatiḵ.

Romans 1:5

Mipagapu ḵan Jesu Kristu, impailan Apudyus ḵinabaḻuna ḵan saḵon woḵ nambalinaḵ aḵ apostol ta awisoḵ da tagu'tta losane ili ta tumuttuwada gapu si amatiyanda ḵan Jesus.

1 Corinthians 7:32

Sa pioḵ, ippun oḵyan ambinsawanyu. Sa laḻaḵi ye ippun asawana, ipapatina oḵyane angwa'tta banage paḵwan Apu ḵan siya ḵad siya sosomḵona inonae angwa'tta mas-oman Apudyus.

1 Corinthians 7:34

ḵad nagogwa somsomoḵna. Isuna bos atte babaḻasang baḵon nu sa bubai ye ippun asawana. Naippun udum aḵ somsomḵona nu adi sa mas-oman Apu te piona idatun long-agna ya sa somsomoḵna ḵan siya. Yaḵon sa bubai ye naasaw-an, adu somsomḵona'tte mabiyagana'tte annae lubung ya sa mas-oman ni asawana.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Philippians 4:6

Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

1 Timothy 2:1

Pun annaya ibagaḵ ḵan siḵa. Umuna, ḵasapuḻane iluwaḻuwan taḵu da losane tagu ya anḵodaw taḵu ya anggappiya taḵu ḵan Apudyus para ḵan dida.

1 Timothy 5:16

Nu awad namati'ḵ bubai ye awad sunudna'ḵ baḻu, siya oḵyan angayyuwan ta adi masaliduduwan da namati ye magimugimung. Ta da baḻu we ippun sunudda, dida ayyuwanan ni gimung da namati.

1 Timothy 5:3

Sa mipanggob atta baḻu, patgam ya badangam dida nu naippun sunudda'ḵ angayyuwan ḵan dida.

2 Timothy 1:3

Anggappiyaaḵ ḵan Apudyus we anserbiyaḵe ampoḻḵas somsomoḵḵu we isun ni nanseserbin da danaḵḵoḻ taḵu. Alluwaḻuwaḵ ḵad ḵan Apudyus atte inaḻgaw ḵan nilabi, adiḵpun maliwatane anggappiya ḵan Apudyus gapu si pammatim.

1 Peter 3:5

Ḵaḵna ḵingwan da bubai ye tagun Apudyus si awe ye nantaḻgod ḵan Apudyus. Pinabaḻuda da long-agdae mismu gapu'tte impaiturayanda'tta asawada.