1 Timothy 5:23 - Sa Ugud Apudyus

²³ Sinsadi sa mipanggob atte giḵnam, annaya bagbagaḵ ḵan siḵa. Adim paabuson danum aḵ inumom yaḵon uminumḵa'ḵ aḵit atte bayas ta maagasan saḵit ni buwangnu.

1 Timothy 5:23 ပူးပေါင်းရင်းမြစ်များ

Acts 18:5

Dummatong ḵad da Silas ḵan Timothy ye naḻpu'd Macedonia, impapatin Paul we nangiwaḻagawag si Ugud Apudyus ya pinanoḵnoḵana'tta Judyu we aḵ Jesus siya Kristu.

Ephesians 5:18

Ḵad adi ḵayu ambarbartek te dumadail yaḵon iyunudyu oḵyane sa ḵabooḻan ni Ispiritu Santu awad ḵan diḵayu.

1 Timothy 3:3

Daḵampun aḵ bartekero, gumugulu yaḵon naanus, daḵampun aḵ subbogan ya daḵampun aḵ ḵamommod si pilaḵ.

1 Timothy 3:8

Isun da deacon, ḵasapuḻane labbongdae mapatgan ḵan maun-unan an-uugudda. Ḵasapuḻan ose adida bartekero baḵon nu ḵamommod si pilaḵ.

1 Timothy 4:4

Te ambaḻu da ngaimane ḵingwan Apudyus. Ḵad naippun paat midiyan nu anggappiya taḵu ḵan siya.

Titus 1:7

Sa gapuna oḵyane ambaḻu ugalina ippun mipabasuḻ ḵan siya. Siya angipangpangu'tte gimunge nitaḻgodan ni ḵewaaḻ Apudyus. Pun ḵasapuḻane adi ampasindayaw, adi allasu sumang-ana ya adi pasig mabartek. Adipun oḵyan os gumuggulu ya adipun ḵamommod atte pilaḵ.

Titus 2:3

Da anḵamad-an ḵad os, bagbagaam os dida ta siya oḵyan unudonda ambaḻu we ugali ye sa mibagay atta pammatida. Ḵad adida bos an-ugud aḵ lawweng atta buḻunda baḵon nu ambarbartek. Yaḵon siya oḵyan ḵoonda, ituttududa da ambaḻu.