1 Timothy 5:21 - Sa Ugud Apudyus

²¹ Bilinoḵ siḵa'tte sinagung Apudyus ya aḵ Jesu Kristu ya da nadutuḵane anghelna ta tuttuwaom da annae ibagaḵ. Ḵad ippun oḵyan piliyam yaḵon an-iisuwom da losane tagu.

1 Timothy 5:21 ပူးပေါင်းရင်းမြစ်များ

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Luke 20:21

Pun ḵananda ḵan Jesus, “Mistulu, igammuni ye tuttuwa losan da ibagam ya ustu da ituttudum. Ḵad igammuni bose ippun laḵlaḵsigom aḵ tagu te siya ituttudum ḵatuttuwaan mipanggob si pinion Apudyus we ḵoon da tagu.

Luke 9:26

Ngaimane angibain ḵan saḵone Abeng Di Tagu ya da tuttuduḵ, ibainḵu bos dida nu mipauliyaḵ ad luta. Atte sadi ye timpu nu mipauliyaḵ, midayaw aḵ Amaḵ, da anghelna ya saḵon.

2 Corinthians 5:16

Pun inggana sinsadi, adinipun bigbigon ngaimane tagu we ambatay si nainlubungane ḵasomsomḵan. Taḵon ay nu ḵatti inonni ye namigbig ḵan Kristu si awe, adinipun ogon ḵoon sinsana.

1 Thessalonians 5:27

Bilibilinoḵ diḵayu'tte ngadan Apu we basaonyu sanae suḻat atta losane susunud taḵu ḵan Kristu sinat.

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.

2 Timothy 2:14

Pagatupame angipaspasmoḵ atta anna'tta namati sinat ya bagbagaam dida si sinagung Apudyus ta adida andudunggaḻan mipanggob atta ugud te ippun anuna yaḵon dadailona pammatin da andongoḻ.

2 Timothy 4:1

Annaya ibilinḵu ḵan siḵa Timothy si sinagung Apudyus ya aḵ Jesu Kristu we ḵasin umali ampangat ḵan anguwis atta losane tagu we matattagu ḵan natoy.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

2 Peter 2:4

Te igammu taḵu we madusada te taḵon ay da anghel we naḵabasuḻ si awe, adimpun Apudyus ḵinadaguwan dida yaḵon intop-aḻna dida'd infiernu si ḵagiḵbotane lugar ya imbaḻudna dida sidi ta anguwayanda'tte aḻgawe anḵuwisan Apudyus.

Jude 1:6

Sosomḵonyu ḵad os da anghel we adipun nat-op atte saaddae innatod Apudyus ḵan dida woḵ tinenanda ustu we inggawanda'd langit. Gapu si nangwaanda'tte sadi, ḵinawadan Apudyus dida'ḵ inggana woḵ imbaḻudna dida si ḵagiḵbotan inggana'ḵ dumatong aḻgawe anguwisana ḵan dida.

Revelation 14:10

uminumda bos si ampigsae bayas Apudyus we adipun naḵamsan. Sa piona ḵanan mapadasda ummamdane andudusan Apudyus we ippun ḵadaguna te ummamdan sangana. Ḵad ampaḵaḻamda'tte gumilgillayabe apuy ya sa sulfur atte antotollong da anghelna ya sa Ubbu we Karnero.