1 Timothy 5:17 - Sa Ugud Apudyus

¹⁷ Sa mipanggob atta angipangpangu'tta namati ye ambaḻu angidaḻananda, ibelangyu oḵyan dida'ḵ mapadayawan ya ustu tangdanda. Amod ay da angiwaḻagawag si Ambaḻu we Damag ya da antuttudu.

1 Timothy 5:17 ပူးပေါင်းရင်းမြစ်များ

Matthew 24:25

Pun ḵasapuḻane sosomḵonyu te inggallapuḵ binagbagaan diḵayu si daanna maḵwaan.

Luke 10:7

Nu awad ammangili ḵan diḵayu, inggaw ḵayu si boḻoyda inggana'ḵ tenanyu sadi ye ili. Adi ḵayu an-attuattun. Ḵanonyu ḵan inumonyu da ilusnuda te labbongnae matangdanan da anḵewaaḻ.

Luke 12:42

Summongbat aḵ Jesus woḵ ḵananae nangipani, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta doganae sammilu. Siya angitod si ḵanon da buḻunna si ustu we timpu.

John 4:38

Te ibuunḵu diḵayu'ḵ umoy an-ani'tte adiyupun inayong. Maḵḵon da nanḵewaaḻ ya diḵayu angaaw atta inayongda.”

Acts 11:30

Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.

Acts 20:35

Sana pasigḵu ḵingwa ta awad unudonyu te ḵasapuḻane pumangog taḵu we anḵewaaḻ ta awad ibadang atta anḵasapuḻ, sosomḵonyu imbagan Apu Jesus we ḵanana, ‘Amo pian angitod nu sa an-awat.’ ”

Acts 28:10

Adu da innatoddae atodda ḵan diḵani woḵ anna ḵade inḵanin, indatongda da losane ḵasapuḻan ni ye ambaat.

Romans 12:8

Da innattan Apudyus aḵ ḵabooḻane ansoḻgag aḵ pumigsaan da pammatin da udum, ansoḻgagda oḵyan. Ḵad da innattan Apudyus aḵ ḵabooḻane angitod, angitodda oḵyane naḻpu'tta pusuda. Ḵad da naittan aḵ ḵabooḻane angipangpangu, ipapuutda oḵyane angwa. Ḵad da naittan aḵ ḵabooḻane ḵumadagu'tta ampaḵaḻam, allaylayadda oḵyane angwa.

Romans 15:27

Simsimmoḵdae bummadang. Sa ḵatuttuwaan, labbongnae badanganda da ḵapus ad Jerusalem ta milaḵ-am da Gentil atta naispirituwane bindisyun da Judyu ḵad labbongna bose anserbi da Gentil atta Judyu.

Romans 16:12

Pakumustaonyu da Tryphaena ḵan Tryphosa we anserbi ḵan Apu Jesus, isuna bos ḵan Persis we ay-ayatoḵe pummangog nanserbi ḵan Apu.

1 Corinthians 15:10

Yaḵon gapu'tte ḵinabaḻun Apudyus ḵan saḵon, binaliwanaḵ atte nambalinaḵ sinsadi, daḵampun aḵ ippun nambanagana. Sa naḵwa, nadaldallu pawotḵu we nanḵewaaḻ nu da udume apostol. Yaḵon daḵampun aḵ ḵingwaḵ da sadi gapu'tte mismu we ḵosdoḻḵu yaḵon gapu'tte ḵinabaḻun Apudyus we anna ḵan saḵon.

1 Corinthians 16:16

Patganyu oḵyan da tagu we ḵassadi ḵad taḵon ay os da losane maḵaḵewaaḻ ḵan maḵaserbi ḵan dida.

1 Corinthians 3:9

Te diḵani ḵan Apollos an-asibadang ḵani ye angwa'tta paḵwan Apudyus. Ḵad diḵayu isun di payawe ḵewaaḻonni. Ipaniḵ os diḵayu si boḻoye taḵadon Apudyus.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Galatians 6:6

Sa matuttuduwan atte Ugud Apudyus, ḵasapuḻan oḵyane ibillayana antuttudu ḵan siya'tta losane ambaḻu we awad ḵan siya.

Philippians 2:16

Ḵad popotpotanyu Ugud Apudyus we angitod si biyag aḵ inggana. Te nu ḵoonyu da sadi, diḵayu da isḵaḻḵu si ḵasine umaliyan Kristu. Igammuḵ ose adipun natangga pangogḵu we nanḵewaaḻ.

Philippians 2:29

Pun amod oḵyan layadyu we amadatong ḵan siya te nibelange sinusunnud taḵu gapu si niyossaanana ḵan Apu. Da tagu we isun Epaphroditus bagaynae mapatganda,

Philippians 4:3

Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.

1 Timothy 3:5

Te nu adinapun igammu we angidaḻan atte baḻyanna, ngai inonae angayyuwan atta namati ye magimugimung ḵan Apudyus?

1 Timothy 4:10

Siya gapunae igga taḵu ḵabooḻan taḵu te sadi namnamaon taḵu ḵan Apudyus we matattagu we anagu'tta losane tagu, dallu gay ditaḵu we namati.

1 Timothy 4:14

Adim baybay-an ḵabooḻame innatod ni Ispiritu Santu atte nangipatayan da angipangpangu'tta namati'tta imadae nangiluwaḻu ḵan siḵa ya sa nangibag-an da profeta we an-uuggudon Apudyus mipanggob atte ḵabooḻam.

1 Timothy 4:16

Ummam antatagum ya sa ituttudum. Pagatupam ḵoon da anna ta taguwom long-agnu ya da andongoḻ ḵan siḵa.

1 Timothy 4:6

Nu ituttudum da annae bilin atta susunud ḵan Kristu sinat, ambaḻuḵae anserbi ḵan Jesu Kristu. Ḵad ipailame amo naawatam ḵatuttuwaan mipanggob si pammati ya sa ambaḻu we tuttudu we inunudnu.

1 Timothy 5:19

Adim dongngon da ipabasuḻda'tta angipangpangu'tta namati, inggana'ḵ awad duwa baḵon nu tuḻu we tagu'ḵ anaḵdoḻ.

1 Timothy 5:3

Sa mipanggob atta baḻu, patgam ya badangam dida nu naippun sunudda'ḵ angayyuwan ḵan dida.

2 Timothy 2:6

Annaya bos osae mipaniyana. Sa ampangoge anḵewaaḻ si uma, siya umuna an-apit atta bungan da immuḻana.

2 Timothy 4:2

Iwaḻagawagnu Ugud Apudyus. Ḵasapuḻane pasigḵa maḵasagana, taḵon ay nu ambaḻu baḵon nu lawwenge timpu. Awisom dida ta amatida ḵan Jesus. Ḵad suppaḵam da angwa'ḵ lawweng ya soḻgagom dida ta ḵoonda ambaḻu ya anusam ose antuttudu.

Hebrews 13:17

Tuttuwaonyu da angipangpangu ḵan diḵayu ya unudonyu da bilinda te dida angayyuwan ḵan diḵayu ta sissiyae ampigsa pammatiyu te ḵasapuḻane songbatanda ḵan Apudyus nu ḵingwada da ḵewaaḻda. Tuttuwaonyu dida ta maganasandae angwa'tta ḵewaaḻda. Nu adiyu dida tuttuwaon, andadauyda ya naippun ittona'ḵ bumaḻuwanyu.

Hebrews 13:24

Pakumustaonyu da angipangpangu ḵan diḵayu ya da losane tagun Apudyus sinat. Pakumustaon os diḵayu'tta susunud taḵu we namati sina'd Italy.

Hebrews 13:7

Iḵagasmoḵyu da ummun-unae nangipangate nangituttudu ḵan diḵayu si Ugud Apudyus. Sosomḵonyu nambanagan ni nantataguda ya inunudyu pammatida.