1 Timothy 5:11 - Sa Ugud Apudyus

¹¹ Da baḻu ḵad ose sissiyae ḵaḵosdoḻanda, ilanyu ta adiyu paat idoga dida si listaanyu te nu adida maḵaiyattom atta long-agda ya pionda bos ḵasine angasawa, an-awidanda'ḵ Kristu.

1 Timothy 5:11 ပူးပေါင်းရင်းမြစ်များ

1 Timothy 4:3

Da sanae tagu, iyadida da angasawa ya da udume maḵan. Yaḵon sa ḵatuttuwaan, ḵingwan Apudyus da sanae maḵan ta ḵanon taḵu. Ditaḵu we namati ḵan Kristu ya angigammu si ḵatuttuwaan, anggappiya taḵu ta maḵwae ḵanon taḵu da ngaimane maḵan.

1 Timothy 5:12

Ḵad nu ḵoonda ḵatti, pabasuḻon da tagu dida te nilisalisda ummunae inkarida ḵan Kristu.

1 Timothy 5:14

Pun sa ḵasomsomḵaḵ, nabaḻbaḻu angasawa da ḵaḵosdoḻandae baḻu ta umanaḵda ḵan ipapuutda ilan da ḵaboḻoyda ta ippun wayan da ḵabusuḻ taḵu we angamsew ḵan ditaḵu.

1 Timothy 5:9

Ḵad da baḻu we midoga si listaanyu, ḵasapuḻane lumabos aḵ onompuḻu tawonda ya ḵasapuḻane namingsan nangasawa ya adipun naḵadagdagas.

James 5:5

Amod de lam-ay ḵan ganas ni biyagyu sina'd luta. Ḵad isuyun baḵae tummabae madam-an misid-ana.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

Revelation 18:3

Te binuuḵna da tagu'tta losane ili'tte ampigsae bayasna, piona ḵanan, inawisna didae nangunud atta ḵaissawe ugalinae angidaḻan atte madusaanda. Ḵad naḵadagdagas da ari'd luta ḵan siya ya da allaḵlaḵu'd luta, nambalindae baḵnang atte ummamdane ḵamommodnae bumaḵnang.”

Revelation 18:7

Sa ḵinaadun ni ḵinabaḵnangna ḵan ḵinasoḵaḻna, ḵaḵnat os isun ni lopong ni ampaḵaḻamana ya sa domdomna. Te ḵanana'tte somsomoḵna, ‘Saḵon de queen we ampangat. Andomdomaḵ ḵammane isun di baḻu?’

Revelation 18:9

Ḵad da ari'd lutae naḵadagdagas ḵan siya ya nidogae naḵagangganas si ḵinabaḵnangna, amod de ibilda ya domdomda ḵan siya nu otaponda asuḵe maḻpu ḵan siyae masgob.