1 Timothy 4:8 - Sa Ugud Apudyus

⁸ Awad de patogna nu paḵosdoḻon taḵu da long-ag taḵu we angwa'tta ḵoon taḵu. Yaḵon simbumaḻu nu paḵosdoḻon taḵu naapudyusane biyag te sadi gattoḵe naḻpuwan ni maganab taḵu si biyag taḵu sinsadi ya nu awad taḵu pos pagay ad langit.

1 Timothy 4:8 ပူးပေါင်းရင်းမြစ်များ

Matthew 12:32

Ḵad ngaimane an-ugud aḵ lawweng si mipanggob ḵan saḵone Abeng Di Tagu, maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus sinsadi ya sa umali ye timpu.”

Matthew 19:29

Ḵad ngaimane tenana boḻoyna, susunudna, amana baḵon nu inana, da abengna ya da lutana gapu ḵan saḵon, anginsinggasute ḵaadu awatona nu da tinenana ḵad maittan si biyag aḵ inggana.

Matthew 6:33

Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Mark 10:30

awatona si matattaguwana anginsinggasute ḵaadu nu da tinenana. Maatod da naadu we boḻoy, susunud, ina, abeng ya luta. Ḵad ampaḵaḻam os yaḵon sa umali ye timpu, maatod ḵan siya biyag aḵ inggana.

Luke 5:38

Yaḵon ḵasapuḻane ibilung oḵyan inabuyu si baru we geddange bibillungan.

Romans 8:28

Igammu taḵu we losane banage maḵwa antitimpuyugda ta ambanag atte bumaḻuwan da angay-ayat ḵan Apudyus ya da pinilina sigun atte panggobna.

1 Corinthians 3:22

Imbuunna saḵon ya da Apollos ḵan Peter we anserbi ḵan diḵayu. Ḵad innatodna ḵan diḵayu da losane awad si annae lubung, da mabiyaganyu, matoyanyu, taḵon ay sinsadi ya sa umali ye aḻgaw ḵuwayu dida.

1 Corinthians 8:8

Sa ḵatuttuwaan, daḵampun atte maḵan angiyadani ḵan ditaḵu ḵan Apudyus. Ḵad naippun lawwengna nu adi taḵu ḵanon ḵad ippun os maganab taḵu nu ḵanon taḵu.

1 Timothy 4:7

Adim dongngon da ug-uggud da iyawe ye ippun panggobna te daḵampun aḵ mipanggob atte tuttuwae Apudyus. Yaḵon paingsaome angadaḻ ḵan angunud atte naapudyusane biyag.

1 Timothy 6:3

Nu awad angituttudu si sabali ye tuttudu we adipun umanamung atte tuttuwae tuttudun Apu taḵu we Jesu Kristu, adinapun inunud tuttudu we mipaoy atte naapudyusane biyag.

1 Timothy 6:5

ya patilayune susubog. Ḵaḵnat te lummaweng somsomoḵda ya naliwatanda ḵatuttuwaan. Te sa ḵananda, sa naapudyusane biyag gapun ni bumaḵnangan.

1 Timothy 6:6

Tuttuwae daḵoḻ maganab ni tagu we matagu si naapudyusane biyag nu mat-op atta awad ḵan siya.

2 Timothy 3:5

Agindadayawda ḵan Apudyus yaḵon adidapun bigbigon ḵabooḻanae amaliw atta lawwenge ugalida. Adayuwam da tagu we ḵassadi.

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

1 John 2:25

Ḵad sana inkarin Kristu we ittona ḵan ditaḵu biyag aḵ inggana.

Revelation 3:12

Sa tagu we oḻgona lawweng, ambalinoḵ aḵ aliḵin ni templo we boḻoy Apudyus ḵad adipun paat magitot aḵ inggana. Maḻḵaaḵ os si ngadan Apudyus we Apuḵ ya sa ngadan ni siyudadna, sa baru we Jerusalem we dumoḻae maḻpu ḵan siya'd langit. Maḻḵaaḵ os atte baru we ngadanḵu.

Revelation 3:21

Da tagu we angngog si lawweng, ittaḵ dida'ḵ ḵaḻabbongane maḵatuḵdu ḵan saḵone ampangate isun ni nangngogaḵ ḵan Satan woḵ naḵatuḵduwaḵ ḵan Amaḵ atte tronona.