1 Timothy 4:1 - Sa Ugud Apudyus

¹ Nalawag imbagan ni Ispiritu Santu we sa umali ye aḻgaw, an-awidan da udume tagu ustu we pammatida. Ḵad siya patiyonda umallelawe ispiritu ya sa tuttudun da aḻan.

1 Timothy 4:1 ပူးပေါင်းရင်းမြစ်များ

Matthew 18:7

Ḵaddagu da tagu si annae lubunge ippun adi nansabasabali ye sulisuge maḵabasuḻanda. Gagangaye dumatong sulisug atta namati yaḵon ḵaddagu tagu we gapun da sanae maḵabasuḻan.

Luke 17:1

Ḵanan Jesus atta disipuluna, “Gagangaye dumatong sulisug atta namati yaḵon ḵaddagu tagu we gapun da sanae maḵabasuḻan.

John 16:13

Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw.

Acts 13:2

Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”

Acts 17:18

Inninggaw os da udume mimistulun da Epicurean ya da Stoic we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.

Acts 20:23

Sa abuse igammuḵ mibaḻudaḵ ḵan mapaḵaḻamaḵ te pinanoḵnoḵan ni Ispiritu Santu ḵan saḵon atta losane siyudade ayaḵ.

Acts 21:11

Ummali ḵan diḵani woḵ innaḻana taḵyad Paul aḵ nanaḵodna'tta imana ḵan suḵina. Pun ḵanana, “Annaya imbagan ni Ispiritu Santu, ‘Ḵaḵna inon da Judyu'd Jerusalem we amaḻud atte sinḵuwa si annae taḵyad ya impuḻangda'tta Gentil.’ ”

Acts 28:25

Pun ummoyonda, nanggogwada ya nansosongbatda. Yaḵon sa daanda ayonan, iyyanungus Paul ḵanane, “Tuttuwa pagay impaigilin ni Ispiritu Santu ḵan Profeta Isaiah mipanggob atta danaḵḵoḻ taḵu we ḵanana,

1 Corinthians 10:20

Sa pioḵ ḵanan ḵan diḵayu, losan atta adipun amati ḵan Apudyus we andatun, daḵampun ḵan Apudyus andatunanda yaḵon da aḻan. Adiḵpun pione midoga ḵayu ḵan dida.

1 Corinthians 11:19

Te ḵasapuḻan daddasig ḵan diḵayu ta mimatunan da gattoḵ da pammatida.

1 Corinthians 12:11

Losan da sanae ḵabooḻan, ossaan naḻpuwandae sa Ispiritu Santu. Ittana sin-ossaossae namati sigun si piona.

1 Corinthians 2:10

Sana impaigammun Apudyus ḵan ditaḵu mipagapu'tte Ispirituna. Te sa Ispiritu Santu igammuna da losane banag taḵon ay da naadaḻome somsomoḵ Apudyus.

2 Corinthians 11:3

Yaḵon umogyataḵ aḵ maallelaw somsomoḵyu ya maawis ḵayu'tta sabali ye tuttudu ḵad nan-awidanyu sipupusu ḵan ampoḻḵase somsomoḵyu ḵan Kristu we isuna naḵwa ḵan Eve we inallelaw ni uḻog.

Colossians 2:18

Adiyu tuttuwaon da potogonda diḵayu ya ipatutdae tuttuwaonyu da ngilinonda ya andayaw atta anghel. Yaḵon da annae tagu, ansoḵaḻdae siya ambatayanda da naippun anunae nainlubungane ansosomsomoḵda te ḵanandae inninggaw nampaila ḵan dida si isun di in-inop.

2 Timothy 3:13

Yaḵon da lawweng ya da angallelaw atta buḻunda, amo iggaiggadae angallelaw atta buḻunda ya isuna bose maallelawda.

2 Timothy 4:4

Pun adidapun dongngon ḵatuttuwaane tuttudu ya siya bos unudonda da tinutuli ye ug-uggud da tagu si awe.

James 3:15

Sa annae ḵinalaing, daḵampun aḵ naḻpu'd langit. Yaḵon nainlubungan, dinidimunyu ya daḵampun aḵ naispirituwan.

1 Peter 1:20

Sa daan ni lubung maḵwaan, pinilin Apudyus aḵ Jesu Kristu aḵ anubut ḵan ditaḵu yaḵon nipaigammu si anungus ni aḻgaw para si bumaḻuwanyu.

2 Peter 2:1

Yaḵon inninggaw os da sinan profeta we niḵamos atta tagu si awe. Ḵad isuna bos sinsanae awad da asi angidatong atta daḵampun aḵ tuttuwae tuttudu we naḻpuda'tte sabali ye grupu we maḵadadail atte pammati. Ḵad puḵlitanda'ḵ Apu taḵu we nanubut ḵan dida. Pun maaddaganda'tte madusaanda ḵan Apudyus.

2 Peter 3:3

Sosomḵonyu anna te gattoḵe ampatog: Nu dumatong anungus ni aḻgaw, tumoḵwaḻ da umang-angyage siya unudonda pipion da long-agda. Ḵad ḵanandae angang-angyag ḵan diḵayu,

1 John 2:18

Aabengḵu, madam-an anungus ni lubung! Dingngoḻyu we umunae umali sumullagi ḵan Kristu. Pun sinsana ḵad ummaduadu da sumullagi ḵan siya. Ḵad sanat angigammuwan taḵu we madam-an anungus ni lubung.

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.

Jude 1:18

Ḵananda ḵan diḵayu, “Nu dumatong anungus ni aḻgaw, awad da tagu we umang-angyage da angunud si pipiondae lawweng.”

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

Revelation 13:14

Pun inallelawna da adipun namati'd luta gapu'tta nakaskasdaawe sinyale niyunude ḵingwana si nanserserbiyana si ummunae ḵaog-ogyate ayam. Pun imbagana ḵan dida ta angwada'ḵ sinan-ayame dayawondae isun ni ummunae ayame nasugat atte ispada yaḵon sissiyae natagu.

Revelation 16:14

Da sanae ispiritu, dimunyuda ḵan lamogda ḵoon da nakaskasdaaw. Ḵad ummoyda ta daguponda da ari'tta losane ili'tte lubung ta umoyda gubaton aḵ Apudyus we maḵabooḻ atta losan si ampatoge aḻgawna.

Revelation 18:2

Ḵananae nangiyipḵaw, “Nadadail! Nadadail nandindinamage siyudad ad Babylon. Nambaline inggawan da dimunyu ya losane kalasin da aḻan. Ḵad losane kalasin di ayam ḵan sissiwite mibelange ḵaissaw, sidi inggawanda ḵan sumuḵbutanda.

Revelation 18:23

Ḵad naippun os ogon da matonggane silaw ya naippun ogon ankasar. Sanat da dusan ni Babylon te da allaḵlaḵu si sadi ye siyudad, ansosoḵaḻ da somsomoḵda ya ngannonda dida ḵabaḵnangan ad luta. Ḵad da ummili sidi, inallelawda da tagu'd luta'tta tulidae isun da buyun.

Revelation 19:20

Yaḵon nadoḵmaan ḵaog-ogyate ayam ya sa sinan profeta we nangipaila'tta nakaskasdaawe sinyal si nanserserbiyana si annae ayam. Da annae sinyal, dida da inusarnae nangallelaw atta tagu we namaḻḵaan atte maḻḵan ni ḵaog-ogyate ayam ya da nandaydayaw atte naḵwae ḵais-isuna. Da annae duwae sissiyae matattagu, niballuda si igaw ni gumilgillayabe apuy ḵan sulfur.

Revelation 2:11

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, adidapun midoga'tte dusa'ḵ inggana'tte ḵumagwae matoyan da tagu.’ ”

Revelation 2:17

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, ittaḵ dida si nitataḻu we maḵane ngannonda manna. Ittaḵ os sin-ossa ḵan dida'tte itaḵe batu we sa nigiliyan ni baru we ngadane naippun osa'ḵ angigammu si sadi ye ngadan nu adi sa tagu we maittana.’ ”

Revelation 2:29

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati.’ ”

Revelation 2:7

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog atta losane kalasin di lawweng, ittoḵ ḵan dida ḵaḻabbongane angan atte bungan ni ḵayu we angitod si biyage awad si igaw Apudyus ad langit.’ ”

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.

Revelation 20:8

Ḵad umoyna allelawon da ngannonda Gog ya Magog we da tagu'tta ḵinailin di ili'tta opate dugyun ni luta. Dagupona dida ta maḵagubatda. Sa belangda ḵad isuda gallis atte taḻantag ni baybay.

Revelation 3:13

“ ‘Diḵayu we naingaan andongoḻ ḵayu si ibagan ni Ispiritu Santu atta gimung da namati.’ ”

Revelation 3:22

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati.’ ”

Revelation 3:6

“ ‘Diḵayu we naingaan andongoḻ ḵayu si ibagan ni Ispiritu Santu atta gimung da namati.’ ”

Revelation 9:20

Yaḵon da nabun-ane tagu we adipun nanḵaḵatoy gapu'tta sanae ampaḵaḻaman, adidapun nambabawi'tta basuḻda ya adidapun iyyagaye angwa. Sissiyae adidapun iyyagaye nanaydayaw atta aḻan ya da sinan-apudyus we naḵwa si buḻawan, palata, gambang, batu ya da ḵayu we ḵingwan di tagu we sinan-apudyus we adidapun maḵaila, maḵadongoḻ ya adidapun maḵataddaḻan.