1 Timothy 3:7 - Sa Ugud Apudyus

⁷ Ḵasapuḻane ambaḻu ugalina si antotollong da adipun amati ta adi mibabbain ya maḵna si tappoḵ Satan.

1 Timothy 3:7 ပူးပေါင်းရင်းမြစ်များ

Mark 4:11

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Da udum ḵad, abus ipaniḵ

Acts 10:22

Ḵananda, “Aḵ Kapitan Cornelius nangibuun ḵan diḵani'ḵ angayag ḵan siḵa te imbagan ni anghel Apudyus we ayagana siḵa ta dongngona da ibagam. Siya ḵad naun-unan ya isipogna'ḵ Apudyus ya mapatgan atta losane Judyu.”

Acts 22:12

“Inninggaw sidi nangngadan aḵ Ananias we naapudyusane tuttuwaona lintog taḵu ya ambaḻu ḵaugudana'tta losane Judyu we ummili.

Acts 6:3

Susunud ḵan Kristu, pumili ḵayu'ḵ pitu we laḻaḵi ḵan diḵayu we da ambaḻu ugalida ya naittanda si ḵabooḻan ni Ispiritu Santu ya ḵinalaing. Ḵad dida da dutuḵan taḵu'ḵ awwaḻas atta maḵan

1 Corinthians 10:32

Ḵad ummanyu ta adiyu ḵoon bumasuḻan da udum taḵon ay da Judyu baḵon nu Gentil baḵon nu da magimugimunge namati ḵan Apudyus.

1 Corinthians 5:12

Naippun biyang taḵu we anguwis atta daḵampun aḵ amati te aḵ Apudyus asi anguwis ya anusa ḵan dida. Yaḵon ditaḵu we namati, awad de ḵaḻabbongan taḵu we anguwis atta buḻun taḵu si gimung. Te sa ḵanan ni nigili'tte Ugud Apudyus, “Ḵasapuḻane paḻyawonyu angwa'ḵ lawweng atte gimungyu.”

2 Corinthians 6:3

Ummanni gay atta ḵoonni ta ippun lumawengan ni somsomoḵ da asintataguni ḵan maḵabasuḻanda ta ippun oḵyan madellaw atta sanae ḵoonni si anserbiyanni ḵan Apudyus.

2 Corinthians 8:21

Te siya pionni ḵoon ustu we daḵampun aḵ abus antotollong Apu yaḵon sa antotollong os da tagu.

Colossians 4:5

Ummanyu'tta gunayyu'tta daampun amati, ḵad usaronyu losane timpu we angibaga ḵan dida si mipanggob ḵan Kristu.

1 Thessalonians 4:12

Nu ḵatti antataguyu, patgan diḵayu'tta adipun amati ḵan Apudyus ya adipun ḵasapuḻan ansallay ḵayu'tta udum si mipanggob atta masapuḻyu.

1 Thessalonians 5:22

Ḵad idiyanyu da losane kalasin di lawweng.

1 Timothy 3:6

Ḵasapuḻane daḵampun aḵ baru we namati ta adi ampasindayaw ya madusae isun Satan.

1 Timothy 5:14

Pun sa ḵasomsomḵaḵ, nabaḻbaḻu angasawa da ḵaḵosdoḻandae baḻu ta umanaḵda ḵan ipapuutda ilan da ḵaboḻoyda ta ippun wayan da ḵabusuḻ taḵu we angamsew ḵan ditaḵu.

1 Timothy 6:9

Yaḵon da tagu we piondae bumaḵnang, allasu we masubsubda ya matappoḵanda'tte dinodong-og ya maḵadadail atte pion ni long-ag. Ḵad siya anadail ḵan angilugut ḵan dida'tte dusae ippun anungusna.

2 Timothy 2:26

Ta ansomsomḵanda ya miligsida si siḵap Satan we angawis ḵan didae angwa'tta piona.

Titus 2:5

Tupodonda oḵyan da long-agda ya ambaḻu oḵyan da ugalida. Ḵasapuḻan ose ummanda uḻnuson boḻoyda, naanusda'tta udum ya paiturayda'tta asawada. Te nu unudonda da annae ugali, adipun maamsew Ugud Apudyus.

Titus 2:8

Ilam os ta sa ituttudum, ustuustu ta adi oḵyan maamsew. Te nu ḵoom ḵaḵna, mabainan da sumullagi ḵan dita te adipun maḵwae an-ugudda'ḵ lawweng atte mipanggob ḵan dita.

3 John 1:12

Aḵ Demetrius ḵad, ambaḻu ibagabagan da adu we tagu atte mipanggob ḵan siya ya tuttuwa da sana te maila si antataguna. Panoḵnoḵanni bos mipanggob ḵan siya ya igammume tuttuwa da annae ibagani.