1 Timothy 3:5 - Sa Ugud Apudyus

⁵ Te nu adinapun igammu we angidaḻan atte baḻyanna, ngai inonae angayyuwan atta namati ye magimugimung ḵan Apudyus?

1 Timothy 3:5 ပူးပေါင်းရင်းမြစ်များ

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

1 Corinthians 10:32

Ḵad ummanyu ta adiyu ḵoon bumasuḻan da udum taḵon ay da Judyu baḵon nu Gentil baḵon nu da magimugimunge namati ḵan Apudyus.

Ephesians 1:22

Impangatun Apudyus aḵ Kristu ta siya angipangat atta losane banag ya siya bos dinutuḵan Apudyus we pangat da losane namati.

Ephesians 5:24

Pun diḵayu we bubbubai ye namati, ḵasapuḻan ose ampakumbaba ḵayu we ustu'tta asawayu'tta losane banage isun ni gimung da namati ye paipangat ḵan Kristu.

Ephesians 5:32

Annat ampatog ḵan naadaḻome tuttudu we sa an-aawatḵu, sa nan-ossaanan da namati ya aḵ Jesu Kristu.

1 Timothy 3:15

Nu mataḵtaḵaḵ, igammuwom da inon ni antatagun da tagu we nidoga si baḻyan Apudyus. Ditaḵu we namati si matattagu we Apudyus nangitaḻgodana si tuttuwae tuttudu ta ilan taḵu we mituttudu we ustu ya adipun mapasantan.