1 Timothy 3:11 - Sa Ugud Apudyus

¹¹ Da asawada ḵad, ḵasapuḻane labbongdae mapatgan ya adida an-ugud aḵ lawweng atta udum. Ḵasapuḻane naannadda ḵan mataḻgodanda'tta losane ḵoonda.

1 Timothy 3:11 ပူးပေါင်းရင်းမြစ်များ

Matthew 4:1

Pune sadi, impuyut ni Ispiritu Santu aḵ Jesus atte bumbummaaw ta padason Satan sulisugon.

John 6:70

Pun ḵanan Jesus, “Daḵampun ḵamman aḵ saḵon namili ḵan diḵayu we nasawaḻan aḵ duwa? Yaḵon awad pagay osa ḵan diḵayu we dimunyu.”

Romans 1:29

Siya awad atta somsomoḵda da losane kalasin da lawweng. Ḵamommodda, maaposda. Pumappatoyda, subboganda, nasiḵapda ya pasige siya sosomḵonda ampaḵaḻamonda da buḻunda ya sungadanda.

1 Timothy 1:12

Anggappiyaaḵ ḵan Jesu Kristu we Apu taḵu we amaḵosdoḻ ḵan saḵon. Te imbelangna saḵon aḵ mataḻgodan woḵ dinutuḵana saḵon aḵ anserbi ḵan siya.

1 Timothy 3:2

Pun gapu ta ampatog sanae ḵewaaḻ, ḵasapuḻane ippun ḵadellawana, naannad ḵan lamogna tupodon long-agna. Ḵasapuḻane ossaan asawana ya adi maḵadagdagas. Ḵasapuḻane naangsan, ḵamamangili ya nalainge antuttudu.

1 Timothy 6:2

Ḵad da musassu we namati da ap-apuda, ḵasapuḻane adida oḵyan ḵanane gapu ta ansusunudda ḵan Kristu, sinnamaḻna nu adidapun patgane ustu. Yaḵon ḵasapuḻane amo anserbida ḵan dida te da angapit ḵad si ḵewaaḻda da namati ya da angay-ayat ḵan dida. Ituttudum ḵan iwaḻagawagnu da anna.

2 Timothy 3:3

Taḵon ay da abengda ya da sin-abeng ḵan dida, adidapun ayaton dida. Nu awad tagu'ḵ sumang-anda, adidapun pulus pakawanon. An-ugudda'ḵ lawweng atta buḻunda, adidapun maḵatupod atta long-agda ya lumawelawengda. Sasangngaanda ambaḻu.

2 Timothy 4:5

Yaḵon ḵan siḵa, ḵasapuḻane tupudom long-agnu. Attomam da ampaḵaḻamam. Iggaiggame angiwaḻagawag atte Ambaḻu we Damag ya ummam ḵoon da ḵewaaḻ ni anserbi ḵan Apudyus we sa intaḻgodna ḵan siḵa.

Titus 2:3

Da anḵamad-an ḵad os, bagbagaam os dida ta siya oḵyan unudonda ambaḻu we ugali ye sa mibagay atta pammatida. Ḵad adida bos an-ugud aḵ lawweng atta buḻunda baḵon nu ambarbartek. Yaḵon siya oḵyan ḵoonda, ituttududa da ambaḻu.

Titus 3:2

Adida oḵyan an-ugud aḵ lawweng atte mipanggob atta ngaiman ḵad adida oḵyan sumubog yaḵon naanusda oḵyan ya pasigda patgan da losane tagu.

1 Peter 5:8

Ansasaggana ḵayu ḵan an-annad ḵayu. Te sa ḵabusuḻ taḵu we aḵ Satan, andaḵidaḵiwase isun di ngumoḻngoḻngoḻe layone ansingisingit aḵ sokmaḻona.