1 Timothy 2:7 - Sa Ugud Apudyus

⁷ Sana bos gapunae saḵon dinutuḵana'ḵ angiwaḻagawag atte Ambaḻu we Damag ḵan an-apostol ta iyyaḵ ituttudu'tta Gentil tuttuwae pammati. Tuttuwa da anna.

1 Timothy 2:7 ပူးပေါင်းရင်းမြစ်များ

John 7:35

Ḵanan da Judyu we nan-asiimus, “Dinu ayanae aditaḵupun maḵaodas ḵan siya? Umoy ḵamman nin atta adayu we ilin da Gentil we igaw da naas-asipaḻaḵe Judyu ya antuttudu'tta Gentil?

Acts 14:27

Dummatongda ḵad ad Antioch, nandaḵdaḵngonda da losane namati woḵ imbagada da losane ḵingwan Apudyus ḵan dida ya sa inonae nangitod si gundaway da Gentil ta amatida.

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

Acts 26:20

Te ummunae iwwaḻagawagḵu'tta tagu'd Damascus inggana'd Jerusalem ya da losane ili'tte probinsiya'd Judea ya da Gentil ta ibabawida oḵyan da basuḻda ya ansinagungda ḵan Apudyus ḵad ḵoonda ambaḻu we mibagay si nambabawiyanda.

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Romans 1:9

Aḵ Apudyus anaḵdoḻe pasigḵu diḵayu iḵagasmoḵ si alluwaḻuwaḵ. Siya anserbiyaḵ atte losane ḵabooḻaḵ atte angiwaḻagawagaḵ si Ambaḻu we Damag mipanggob si Abengna.

Romans 10:14

Yaḵon ngai inon da tagu we anḵodaw aḵ ḵadagu ḵan Apu nu adida amati ḵan siya? Ḵad ngai inondae amati nu adidapun dingngoḻ? Ḵad ngai inonda bose andongoḻ nu naippun umoy angiwaḻagawag?

Romans 11:13

Sinsadi awad de ibagaḵ ḵan diḵayu we Gentil. Gapu ta dinutuḵan Apudyus saḵon aḵ an-apostolna'tta Gentil, ipatpatogḵu annae ḵewaaḻe nitaḻgod ḵan saḵon

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

Romans 9:1

Susunud, ibagaḵ ḵan diḵayu ḵatuttuwaan, adiyaḵpun antultulli te niyossaanaḵ ḵan Kristu. Taḵon ay somsomoḵḵu we indaḻan ni Ispiritu Santu, panoḵnoḵanae adiyaḵpun antultulli.

1 Corinthians 9:1

Saḵon ḵad, daḵampun ḵamman aḵ nawayaaḵ? Daḵampun ḵamman aḵ osaaḵ atta apostol Jesu Kristu? Daḵampun ḵamman aḵ innilaḵe mismu'ḵ Jesus we Apu taḵu? Daḵampun ḵamman os aḵ diḵayu da bungan ni ḵewaaḻḵu ḵan Apu?

2 Corinthians 11:31

Aḵ Apudyus we Aman Apu Jesus we madaydayaw aḵ inggana, igammunae adiyaḵpun antultulli.

Galatians 1:16

Pun impailana ḵan saḵon abengna ta iwaḻagawagḵu mipanggob ḵan siya'tta Gentil. Naippun tagu'ḵ ummoyḵu nampatuttuduwan.

Galatians 1:20

Igammun Apudyus we daḵampun aḵ tuli da sanae insuḻatḵu ḵan diḵayu.

Galatians 2:16

Yaḵon iniiggammu taḵu we sa antotollong Apudyus, daḵampun aḵ siya angwa si maun-unan ni tagu anuttuwaana'tte lintog te sa pammatina ḵan Jesu Kristu sanat angwa si maun-unana. Siya gapunae taḵon ay ditaḵu we Judyu, namati taḵu ḵan Jesu Kristu ta aḵ Apudyus angwa ḵan ditaḵu'ḵ maun-unan gapu si pammati taḵu we daḵampun si anuttuwaan taḵu si lintog. Te ippun pulus naun-unan si antotollong Apudyus gapu si anuttuwaana si lintog.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

Galatians 3:9

Pun bindisyunan Apudyus da losane namati ye isun ni namindisyunana ḵan Abraham we namati ḵan Apudyus.

2 Timothy 1:11

Dinutuḵan Apudyus saḵon aḵ apostol ta iyyaḵ iwaḻagawag ḵan ituttudu annae Ambaḻu we Damag,

2 Peter 2:5

Ḵad isuna bose adimpun Apudyus ḵinadaguwan da tagu si awe ye timpun Noah. Gapu ta ḵabasbassuḻanda, nilitapna lubung woḵ naaminda naumbuḻ. Yaḵon aḵ Noah we nangiwaḻagawag si naun-unane antatagu, tinagun Apudyus ya da pitu we ḵabaḻyanna.