1 Timothy 2:5 - Sa Ugud Apudyus

⁵ Te ossaan aḵ Apudyus ḵan ossaan os angiyugud ḵan Apudyus ya da tagu. Siya'ḵ Jesu Kristu we nambalin aḵ tagu.

1 Timothy 2:5 ပူးပေါင်းရင်းမြစ်များ

Matthew 1:1

Annaya listaan da danaḵḵoḻ Jesu Kristu we siya pinilin Apudyus aḵ Anagu ḵan An-ari. Siya ganaḵ Ari David ya ganaḵ os Abraham.

Matthew 1:23

“Baag-en, mabugi babaḻasange ippun natnattoḵana. Umanaḵ aḵ laḻaḵi ḵad mangadanan aḵ Emmanuel.” Sa piona ugudon, “Anna ḵan ditaḵu'ḵ Apudyus.”

Luke 14:22

Pune sadi ummoy. Nipauli ḵad ḵanana si apuna, ‘Apu tinuttuwaḵ da imbilinnu yaḵon sissiyae awad da maigawan.’

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

Acts 4:12

Abus aḵ Jesus aḵ Anagu ḵan ditaḵu. Te naippun udum aḵ ngadan si intero we lubung aḵ innatod Apudyus atta tagu'ḵ maḵwae anagu ḵan ditaḵu.”

Romans 10:12

Te naippun laḵsigon Apudyus taḵon ay Judyu baḵon nu Gentil te aḵ Jesu Kristu abus aḵ Apu taḵu we amindisyun atta losane anḵodaw aḵ ḵadagu ḵan Apu.

1 Corinthians 8:4

Sinsadi, nu mipanggob si maḵane midatun atta sinan-apudyus, iniiggammu taḵu we naippun ḵatuttuwaan da sinan-apudyus. Igammu taḵu we ossaan tuttuwae Apudyus naippun udum.

1 Corinthians 8:6

Yaḵon ḵan ditaḵu, ossaan Apudyus we Ama taḵu. Siya nangwa'tta losane banag ya siya gapun ni mataguwan taḵu. Ossaan Apu we siya'ḵ Jesu Kristu. Naḵwa da losane banag mipagapu ḵan siya ya matagu taḵu mipagapu ḵan siya.

Galatians 3:20

Yaḵon sa inkarina ḵan Abraham, adinapun ḵasapuḻane awad angiyugud yaḵon siyae mismu ummoy nangibaga.

Ephesians 4:6

Os-ossaan os Apudyus we losan taḵu Ama. Siya angipangat ḵan ditaḵu losan, anḵewaaḻ mipagapu ḵan ditaḵu losan ta mituttuwa da piniona ya iinggaw ḵan ditaḵu losan.

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.

Hebrews 12:24

Pun ummadani taḵu ḵan Jesus we angiyugud si Baru we Tuḻag ḵan Apudyus ya pummoy-as daḻanae angipaigammu si nabaḻbaḻu we banag nu sa daḻan Abel.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Hebrews 8:6

Yaḵon sa ḵewaaḻe naatod ḵan Jesus, nangatngatu nu da ḵewaaḻ da ummunae papadi te siya angiyugud si nabaḻbaḻu we tuḻag Apudyus atta tagu. Nabaḻu Baru we Tuḻag Apudyus nu sa Dadaane Tuḻag te nibatay si nabaḻu we inkarina.

Hebrews 9:15

Pun sadi gapunae aḵ Kristu angiyugud si Baru we Tuḻag Apudyus atta tagu ta da pinilin Apudyus awatonda annanayune tawide inkarina. Gapu'tte natoyana, sinubutna dida ta mapuḵayan da naḵabasuḻ si ummunae tuḻag.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

Revelation 1:13

Ḵad sa gaggawan da sasap-aḻan da silaw, inggaw isunan ḵatollongan di tagu we naḻpu'd langit. Nansilup atte langgoyod ya niyaliwaḵos si baḻuḵungna buḻawane taḵyad.