1 Timothy 2:1 - Sa Ugud Apudyus

¹ Pun annaya ibagaḵ ḵan siḵa. Umuna, ḵasapuḻane iluwaḻuwan taḵu da losane tagu ya anḵodaw taḵu ya anggappiya taḵu ḵan Apudyus para ḵan dida.

1 Timothy 2:1 ပူးပေါင်းရင်းမြစ်များ

Acts 17:30

Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa.

Romans 1:8

Sa umunae pioḵ ibaga, anggappiyaaḵ ḵan Apudyus mipagapu ḵan Jesu Kristu si mipanggob ḵan diḵayu losan. Te nandinongoḻ pammatiyu si intero we lubung.

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

1 Corinthians 15:3

Sa intuttuduḵ ḵan diḵayu, sadi amo ummunae ḵapatogane inigammuḵe natoy aḵ Kristu gapu'tta basuḻ taḵu we mibatay atte nigili ye Ugud Apudyus.

2 Corinthians 8:6

Pun gapu ta aḵ Titus nangilapu'tte angitod ḵayu'ḵ badangyu, sinoḻgagni ta mipauli oḵyan sinat ta bumadang ḵan diḵayu we angigangput atta sinaḻdanae ambaḻu we ḵewaaḻe mipail-an ni ḵinabaḻuyu.

Ephesians 3:13

Gapu'tte sadi, adi ḵayu madismaya si ampaḵaḻamaḵ gapu ḵan diḵayu te sanat dayawyu.

Ephesians 5:20

Ḵad pasig ḵayu anggappiya ḵan Apudyus we Ama atta losane banag atte ngadan Apu taḵu we Jesu Kristu.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Philippians 1:3

Nu iḵagasmoḵḵu diḵayu, anggappiyaaḵ ḵan Apudyus we anserbiyaḵ.

Philippians 4:6

Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

1 Thessalonians 3:12

Dog-an oḵyan Apu ayatyu ta lumay-as atta buḻunyu ya losane tagu we isun ni ayatni ye lummay-as ḵan diḵayu.

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

1 Timothy 2:4

Te pionae mataguda losane tagu ya igammuwonda ḵatuttuwaan.

1 Timothy 5:5

Sa baḻu we ippun paat osa'ḵ angayyuwan ḵan siya, namnamaonae aḵ Apudyus bumadang ḵan siya. Ḵad pagapagatupanae alluwaḻu ya anḵodaw aḵ badang atte inaḻgaw ḵan nilabi.

2 Timothy 2:24

Ḵad sa anserbi ḵan Apu, ḵasapuḻane adipun oḵyan maḵasubog yaḵon ḵasapuḻane nalaing, naanus atta losan ya ḵabooḻanae antuttudu,

Titus 2:11

Ḵaḵna oḵyan ugalin da namati te impailan Apudyus ḵinabaḻuna mipagapu'tte nangibuunana ḵan Jesus si annae luta ta taguwona oḵyan da losane tagu'tte madusaanda'tte basuḻ.

Titus 3:2

Adida oḵyan an-ugud aḵ lawweng atte mipanggob atta ngaiman ḵad adida oḵyan sumubog yaḵon naanusda oḵyan ya pasigda patgan da losane tagu.

Hebrews 6:11

Ḵad sa pionni, sin-ossaossa ḵan diḵayu ipapatiyu pagatupan namnamayu ta laḵ-amonyu'ḵ inggana si anungusna.

James 5:16

Pun an-asibabagga ḵayu'tta basuḻyu ya an-asiluwaḻu ḵayu ta maḵaan da saḵityu. Te sa luwaḻun ni naun-unane tagu ampigsa ḵabooḻana ḵan ambanagana.