1 Timothy 1:19 - Sa Ugud Apudyus

¹⁹ Sa maḵagubatam atta sanae lawweng, pagatupam gogomgoman pammatim ya sa ampoḻḵase somsomoḵ. Te awad da udume tagu we iwwalinda ampoḻḵase somsomoḵ ya paate nadadail pammatida.

1 Timothy 1:19 ပူးပေါင်းရင်းမြစ်များ

Matthew 6:27

Sa osa bos, lamogyu ḵamman paanduwon biyagyu'ḵ sin-orasan gapu'tte binimbinsawyu?

1 Corinthians 11:19

Te ḵasapuḻan daddasig ḵan diḵayu ta mimatunan da gattoḵ da pammatida.

Galatians 5:4

Pun diḵayu we amappadas anuttuwa'tte lintog ta maun-unan ḵayu, naabuse nisina ḵayu ḵan Kristu ḵad nan-awidanyu ḵinabaḻun Apudyus.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

1 Timothy 3:9

Ḵasapuḻane ampoḻḵas somsomoḵdae angogomgom si ḵatuttuwaane pammati ye impaigammun Apudyus ḵan ditaḵu.

1 Timothy 6:12

Iggam ḵabooḻame anaḵdoḻ si pammatim ya anserbi ḵan Apu Jesus we isun ni maḵatodtoddaḵe piona angngog ta magun-udna gungunae biyag aḵ inggana te sadi namiliyan Apudyus ḵan siḵa si timpu we nangibag-am atte sinagung da adu we tagu we namatiḵa ḵan Jesu Kristu.

1 Timothy 6:21

Te awad da udume tagu we nangunud atte sadi yaḵon niḵawasda'tte ḵatuttuwaane patiyon taḵu. Awad oḵyan ḵan diḵayu ḵinabaḻun Apudyus.

1 Timothy 6:9

Yaḵon da tagu we piondae bumaḵnang, allasu we masubsubda ya matappoḵanda'tte dinodong-og ya maḵadadail atte pion ni long-ag. Ḵad siya anadail ḵan angilugut ḵan dida'tte dusae ippun anungusna.

2 Timothy 2:18

Guluguluwonda da pammatin da udum te indiyanda ḵatuttuwaan woḵ siya ituttududa nagangput ḵasine mataguwan da natoy.

2 Timothy 4:4

Pun adidapun dongngon ḵatuttuwaane tuttudu ya siya bos unudonda da tinutuli ye ug-uggud da tagu si awe.

Titus 1:9

Sa mipanggob si pammatina, ḵasapuḻane gogomgomana da ḵatuttuwaane nagangput nituttudu ḵan siya ta lamogna ituttudu ustuustu we tuttudu'tta buḻunna ya soḻgagona didae angunud ḵan suppaḵana da sumullagi si ḵatuttuwaan.

Hebrews 3:14

Te buḻun taḵu'ḵ Kristu nu gogomgoman taḵu pammati taḵu si inggan ni namatiyan taḵu inggana si anungus ni timpu.

1 John 2:19

Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Revelation 3:3

Sosomḵonyu da nituttudu ḵan inawatyu'tte awe. Ḵasapuḻane patiyonyu dida ya ibabawiyu da basuḻyu ya agayyu we angwa. Te nu adiḵayupun bumangon, umaliyaḵe mapoḵḵatane isun ni aḵḵawan ta dusaoḵ diḵayu ya adiyupun igammu timpu we umaliyaḵ.

Revelation 3:8

Igammuḵ da ḵooḵoonyu. Igammuḵe aḵit ḵabooḻanyu yaḵon impapatiyu tinuttuwa da imbagaḵ ya adiyupun pinuḵlitan ngadanḵu. Pun inniggaḵ atte sinagungyu isun di sawange mabubuḵḵatan para ḵan diḵayu we naippun maḵaiyonob.