1 Thessalonians 5:6 - Sa Ugud Apudyus

⁶ Pun adi taḵu oḵyan masusuyope isun da udum. Yaḵon pasig taḵu oḵyan madadaḵḵag ḵan an-annad.

1 Thessalonians 5:6 ပူးပေါင်းရင်းမြစ်များ

Matthew 13:25

Masusuyopda ḵad atte sillabiyan, ummoy ni ḵabusuḻna iwwagawag buḵoḻ ni sabsabug atta niyosoḵe pagoy woḵ ummoyon.

Matthew 24:42

Pun ḵasapuḻane masasaggana ḵayu te ippun igammuyu'tte dumaḵngaḵe Apuyu.

Matthew 25:13

Pun ḵanan Jesus we nangiyanungus, “Ḵasapuḻane pasig ḵayu masasaggana te ippun igammuyu'tte aḻgaw ḵan orase umaliyaḵ.”

Matthew 25:5

Pun nanunnuwan nan-uwayanda si dummaḵngan ni laḻaḵi ye ankasar, pun insaḻaddae nanduḵduḵmog woḵ losanda nasuyop.

Matthew 26:38

Pun ḵanana ḵan dida, “Amod de sigab ni somsomoḵḵu we isun di siya iḵatoyḵu. Inggaw ḵayu'tte anna ta pasig ḵayu ansasaggana.”

Mark 13:37

Da sanae imbilinḵu ḵan diḵayu, ibilinḵu bos atta losane tagu ta ansagana ḵayu losan.”

Luke 12:37

Pian da sammilu we naḵasagana nu dumatong apuda taḵon ay nu gawallabi baḵon nu madam-an taḻun. Ibagaḵ ḵan diḵayu ḵatuttuwaan, pasantan ni apuda silupna'tte pallos ya patuḵduwona dida ta siya allusnu ḵan dida.

Luke 12:39

“Annaya sosomḵonyu, nu igammun ni simboḻoy orase dumaḵngan ni aḵḵawan, adipun masuyop yaḵon guguwaḻdaana ta adin ni aḵḵawan lonḵon.

Luke 21:36

Ansasaggana ḵayu ya alluwaḻu ḵayu ta pumigsa ḵayu ḵan tumuḻod ḵayu we angiyattom atta annae maḵmaḵwa ta maḵwae sumangu ḵayu ḵan saḵone Abeng Di Tagu.”

Luke 22:46

Pun ḵanana ḵan dida, “Ngaipa ḵayu masusuyop? Bumangon ḵayu ta alluwaḻu ḵayu ta adi ḵayu masulisug.”

Acts 20:31

Pun dadaḵḵagonyu ya sosomḵonyu we sa tuḻun tawone inninggawaḵ ḵan diḵayu, adiḵpun ingginoḵe nangiwaḻagawag ḵan diḵayu si inaḻgaw ḵan nilabi ye maaḻuboy luwaḵ si ayatḵu ḵan ḵadaguḵ ḵan diḵayu.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

1 Corinthians 16:13

Dadaḵḵagonyu ya popotpotanyu bos da pammatiyu, tumuḻod ḵayu oḵyan ya pumigsa ḵayu.

Ephesians 2:3

Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.

Ephesians 5:14

Ḵad pumadda da losan nu nasilawanda. Sadi piona ḵanan atte nigili ye Ugud Apudyus we ḵanana, “Bumangonḵae masusuyop, mataguḵae natoy, ta silawan Kristu somsomoḵnu.”

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Philippians 4:5

Ipailayu ḵinaanusyu'tta losane tagu te madam-an umaliyan Apu.

Colossians 4:2

Ipapatiyu we alluwaḻu ḵad ummanyu sosomḵon da panggobyu we iluwaḻu ya anggappiya ḵayu bos ḵan Apudyus.

1 Thessalonians 4:13

Susunudḵu ḵan Kristu, adinipun pione maḵaḻmun ḵayu mipanggob atta natoye namati ḵan Jesus ta adiyu idodomdom didae isun da udume ippun namnamada.

1 Thessalonians 5:10

we siya natoy para ḵan ditaḵu ta taḵon ay nu natoy taḵu baḵon nu matattagu taḵu si umaliyana, midoga taḵu matagu ḵan siya'ḵ inggana.

1 Thessalonians 5:8

Yaḵon gapu ta ditaḵu ḵuwan ni aḻgaw, naannad taḵu oḵyan. Isu taḵu oḵyan suḻdadu we angiḵabot atta saḻaḵnib ni long-agna nu maḵagubat atte ḵabusuḻna. Sa pammati taḵu ḵan ayat taḵu saḻaḵnib da baḻuḵung taḵu. Ḵad sa helmet we saḻaḵnib ni uḻu taḵu, siya namnama taḵu'tte mataguwan taḵu.

1 Timothy 2:15

Yaḵon mataguda taḵon ay umanaḵanda ya padaḵoḻonda da abengda nu pagatupanda pammatida ḵan Apudyus ya awad ayatda'tta asintataguda ya mitotoḵḵonda'ḵ taguna ta bumaḻu ugalida ya naannadda'tta ḵoonda.

1 Timothy 2:9

Da bubai ḵad os, ḵasapuḻane ummanda ansisilupda ya naannadda oḵyan. Daḵampun oḵyan aḵ patpatgonda am-amman da buuḵda, da iḵabotdae illing, da bongoḻ ya da buḻawan. Te sa somsomḵonda oḵyan, daḵampun aḵ sadi inondae angipaila'tta ḵinabaḻuda.

1 Timothy 3:11

Da asawada ḵad, ḵasapuḻane labbongdae mapatgan ya adida an-ugud aḵ lawweng atta udum. Ḵasapuḻane naannadda ḵan mataḻgodanda'tta losane ḵoonda.

1 Timothy 3:2

Pun gapu ta ampatog sanae ḵewaaḻ, ḵasapuḻane ippun ḵadellawana, naannad ḵan lamogna tupodon long-agna. Ḵasapuḻane ossaan asawana ya adi maḵadagdagas. Ḵasapuḻane naangsan, ḵamamangili ya nalainge antuttudu.

2 Timothy 4:5

Yaḵon ḵan siḵa, ḵasapuḻane tupudom long-agnu. Attomam da ampaḵaḻamam. Iggaiggame angiwaḻagawag atte Ambaḻu we Damag ya ummam ḵoon da ḵewaaḻ ni anserbi ḵan Apudyus we sa intaḻgodna ḵan siḵa.

Titus 2:12

Gapu'tte sanae ḵadaguna, ituttuduna ḵan ditaḵu we an-awidan taḵu da losane ummadayuwan taḵu ḵan siya ya da losane amaamayon ta tupodon taḵu da long-ag taḵu. Ḵad unudon taḵu naun-unan ya sa naapudyusane antatagu si annae lubung.

Titus 2:6

Ḵaḵna bos atta bagbagu we laḻaḵi. Bagbagaam dida ta tupudonda da long-agda'tta losane ḵoḵoḵḵonda.

1 Peter 1:13

Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

1 Peter 5:8

Ansasaggana ḵayu ḵan an-annad ḵayu. Te sa ḵabusuḻ taḵu we aḵ Satan, andaḵidaḵiwase isun di ngumoḻngoḻngoḻe layone ansingisingit aḵ sokmaḻona.

Revelation 16:15

Ḵade sadi, nandaḵdaḵngonda da ari ya da suḻdaduda'tte igawe nangadanan aḵ Armageddon atte Hinebrew. Ḵanan Apu Jesus, “Dongngonyu annae ibagaḵ. Sa umaliyaḵ mapoḵḵatane isun ni umaliyan ni aḵḵawan. Pian tagu we adi masuyop ya masisillupan ta adi maodasane amboboddang ya mabain atte sinagung da adu we tagu nu dumatongaḵ.”

Revelation 3:2

Bumangon ḵayu ta papigsaonyu da anḵuyae pammatiyu we anḵatḵatoy. Te inigammuḵe da ḵoonyu, adipun umanay aḵ mas-oman Apudyus.