1 Thessalonians 5:22 - Sa Ugud Apudyus

²² Ḵad idiyanyu da losane kalasin di lawweng.

1 Thessalonians 5:22 ပူးပေါင်းရင်းမြစ်များ

Romans 12:17

Nu awad angwa'ḵ lawweng ḵan diḵayu, adiyu subalitan aḵ lawweng. Yaḵon siya oḵyan ḵuttuḵuttumonyu ḵoon da ḵabaḻuwan si antotollong da losane tagu.

1 Corinthians 8:13

Pun nu siya maḵabasuḻan ni sunudḵu ḵan Kristu anganaḵ atte sidae nidatun atta sinan-apudyus, agayḵu we angan atta sadi ye maḵan ta ippun maḵabasuḻan ni sunudḵu gapu ḵan saḵon.

2 Corinthians 6:3

Ummanni gay atta ḵoonni ta ippun lumawengan ni somsomoḵ da asintataguni ḵan maḵabasuḻanda ta ippun oḵyan madellaw atta sanae ḵoonni si anserbiyanni ḵan Apudyus.

Philippians 4:8

Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu.

1 Thessalonians 4:12

Nu ḵatti antataguyu, patgan diḵayu'tta adipun amati ḵan Apudyus ya adipun ḵasapuḻan ansallay ḵayu'tta udum si mipanggob atta masapuḻyu.

1 Thessalonians 5:21

Yaḵon ḵasapuḻane panoḵnoḵanyu da losane mituttudu ya siya pagay unudonyu da ambaḻu.

1 Thessalonians 5:23

Papoḻḵapoḻḵason oḵyan Apudyus we puun ni lin-awa da biyagyu. Ḵad ayyuwanana oḵyan da somsomoḵyu, da ḵalidodwayu ya da long-agyu ta naippun mipabasuḻ ḵan diḵayu'tte umaliyan Apu Jesu Kristu.

Jude 1:23

Ḵad taguwonyu da udume adipun namati ye isun di lapsutonyu dida si apuy ad infiernu. Ḵadaguwanyu bos da ḵabasbassuḻan yaḵon ummanyu ta adi ḵayu mamansaan atte lawwenge ḵoonda.