1 Thessalonians 5:20 - Sa Ugud Apudyus

²⁰ ya adiyu bos amsewon da Ugud Apudyus we imbagan da profetana.

1 Thessalonians 5:20 ပူးပေါင်းရင်းမြစ်များ

Acts 13:1

Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.

Acts 19:6

Impatay ḵad Paul da imana ḵan dida, ummoy Ispiritu Santu woḵ nan-ugudda'tta nansabasabali ye ugude adidapun inadaḻ ya impaigammuda Ugud Apudyus.

1 Corinthians 11:4

Nu magimung ḵayu ya awad laḻaḵi'ḵ inabbungana uḻunae alluwaḻu baḵon nu angipaigammu'tte Ugud Apudyus, imbabbainna'ḵ Kristu we Apuna.

1 Corinthians 12:10

Ḵad da udum, naittanda'ḵ ḵabooḻane angwa'tta nakaskasdaaw ya da udum naittanda'ḵ ḵabooḻane angipaigammu'tta ngaimane pinion Apudyus ipaigammu. Ḵad awad os da naittan aḵ ḵabooḻane angimatun nu aḵ Apudyus naḻpuwan da ngaimane ḵabooḻan baḵon nu naḻpu'tta aḻan. Ḵad da udum, naittanda'ḵ ḵabooḻane an-ugud atte sabali ye ugude adidapun inadaḻ. Ḵad naittan os da udum aḵ ḵabooḻane angipaḵaawat atta pion ni ugud ḵanan.

1 Corinthians 12:28

Ḵad da dinutuḵan Apudyus atte gimung da namati, ummuna da apostol, ḵumagwa da profeta we an-uuggudona, ḵumaḵlu da angituttudu'tte ugudna, asiyot da angwa'tta nakaskasdaaw, da naittan aḵ ḵabooḻane angaan atta saḵit. Awad os da naittan aḵ ḵabooḻane bumadang ya da naittan aḵ ḵabooḻane angipangpangu'tta namati. Ḵad awad os da naittan aḵ ḵabooḻane an-ugud atta nansabasabali ye ugude adidapun inadaḻ.

1 Corinthians 13:2

Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ.

1 Corinthians 13:9

Te sa igammu taḵu mipanggob ḵan Apudyus sinsana ya sa ḵabooḻan taḵu we ampadtu kurang.

1 Corinthians 14:1

Ipapatiyu we an-asiayat. Ḵad ipapatiyu oḵyan sington da ampapatoge ḵabooḻane itton ni Ispiritu Santu, amod ay ḵabooḻane angipaigammu'tte pinion Apudyus.

1 Thessalonians 4:8

Pun da ngaimane angidiyan atte annae bilin, daḵampun aḵ tagu idiyanna yaḵon aḵ Apudyus we nangitod atte Ispiritu Santu ḵan diḵayu.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.