1 Thessalonians 5:10 - Sa Ugud Apudyus

¹⁰ we siya natoy para ḵan ditaḵu ta taḵon ay nu natoy taḵu baḵon nu matattagu taḵu si umaliyana, midoga taḵu matagu ḵan siya'ḵ inggana.

1 Thessalonians 5:10 ပူးပေါင်းရင်းမြစ်များ

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

John 10:11

Ḵanan os Jesus, “Saḵon ambaḻu we antangḵon atta karnero. Sa ambaḻu we antangḵon ittona long-agna'ḵ matoy para'tta tangḵonna.

John 10:15

Igammun Amaḵ saḵon ḵad igammuḵ os aḵ Amaḵ. Ḵad naḵasaganaaḵe angitod atte long-agḵu'ḵ matoy gapu'tta karneroḵ.

John 10:17

“Gapu'tte sana ayaton Amaḵ saḵon te ittoḵ long-agḵu'ḵ matoy ta asiḵ os pauliyon.

John 15:13

Sa ḵadaḵoḻane ayat ni tagu, ittona long-agna'ḵ matoy gapu'tta buḻbuḻunna.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

1 Corinthians 15:3

Sa intuttuduḵ ḵan diḵayu, sadi amo ummunae ḵapatogane inigammuḵe natoy aḵ Kristu gapu'tta basuḻ taḵu we mibatay atte nigili ye Ugud Apudyus.

2 Corinthians 5:15

Natoy aḵ para'tta losane tagu ta da matattagu adidapun ogon ḵoon pipion ni long-agda yaḵon sa pinion Kristu we natoy woḵ natagu ḵasin para ḵan dida.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

1 Thessalonians 4:13

Susunudḵu ḵan Kristu, adinipun pione maḵaḻmun ḵayu mipanggob atta natoye namati ḵan Jesus ta adiyu idodomdom didae isun da udume ippun namnamada.

1 Thessalonians 4:15

Te annaya tuttudun Apu we ipaigammuni ḵan diḵayu. Sa timpu we umaliyan Apu, ditaḵu we matattagu we natenan inggana si umaliyana, daḵampun aḵ umuna taḵu nu da natoy miyabot ḵan Apu.

1 Thessalonians 4:17

Ḵade sadi, ditaḵu we matattagu we natenan, midisan taḵu ḵan dida mipangatu ta intaḵu miyabot ḵan Apu si libuu. Ḵad nu maabus, inggaw taḵu ḵan siya'ḵ inggainggana.

1 Thessalonians 5:6

Pun adi taḵu oḵyan masusuyope isun da udum. Yaḵon pasig taḵu oḵyan madadaḵḵag ḵan an-annad.

1 Timothy 2:6

Siya nangitod si biyagna ta masubut da losane tagu atta madusaan da basuḻda. Naḵwa sadi si ustu we timpu we dinutuḵan Apudyus ya sadi nangipail-anae pionae matagu da losane tagu.

2 Timothy 2:11

Tuttuwa uuggudone ḵanana, “Nu naḵaḵatoy taḵu ḵan Jesu Kristu, midoga taḵu matagu ḵan siya.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.