1 Thessalonians 5:1 - Sa Ugud Apudyus

¹ Susunudḵu ḵan Kristu, sa mipanggob si timpu we maḵwaan da anna, adipun ḵasapuḻane isuḻatni.

1 Thessalonians 5:1 ပူးပေါင်းရင်းမြစ်များ

Matthew 24:3

Pun tutuḵdu ḵad aḵ Jesus atte Beleg Olives, ummoy da disipulu iyyagapaap ḵan siya woḵ ḵananda, “Apu, ḵamaan ni maḵwaan ni imbagam ḵan diḵani? Ḵad ngai da sinyale angigammuwanni ye madam-an mipauliyam ya sa angigammuwanni si anungus ni timpu?”

Matthew 24:36

Pinagatupan Jesus woḵ ḵanana, “Naippun angigammu'tte aḻgaw baḵon nu timpu we mituttuwaanda. Taḵon ay da anghel ad langit, ippun igammuda. Ḵad taḵon ay saḵone Abeng Apudyus, ippun os igammuḵ. Te ippun udum aḵ angigammu, abus aḵ Apudyus we Ama.

Acts 1:7

Ḵanan Jesus we summongbat ḵan dida, “Daḵampun aḵ ḵasapuḻane igammuwonyu timpu te abus aḵ Amaḵ we Apudyus aḵ angiḵoddong mipagapu si ḵaḻabbongana nu ngai maḵwa si umali ye aḻgaw.

2 Corinthians 9:1

Daḵampun aḵ ḵasapuḻane isuḻatḵu ḵan diḵayu mipanggob si badange maiyoy atta tagun Apudyus ad Judea.

1 Thessalonians 4:18

Pun an-asiliwliwa ḵayu we mipagapu'tta sanae ugud.

1 Thessalonians 4:9

Yaḵon sa mipanggob si ayat atta sunud si pammati, naippun ibagani te aḵ Apudyus we mismu nanuttudu ḵan diḵayu'tte inonyu we an-asiayat.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.