1 Thessalonians 4:8 - Sa Ugud Apudyus

⁸ Pun da ngaimane angidiyan atte annae bilin, daḵampun aḵ tagu idiyanna yaḵon aḵ Apudyus we nangitod atte Ispiritu Santu ḵan diḵayu.

1 Thessalonians 4:8 ပူးပေါင်းရင်းမြစ်များ

Luke 10:16

Ḵanan Jesus we nangiyanungus atta disipuluna, “Ngaimane andongoḻ ḵan diḵayu, saḵon dingngoḻna. Ḵad sa angidiyan ḵan diḵayu, saḵon idiyanna. Ḵad sa angidiyan ḵan saḵon, idiyanna bos nangibuun ḵan saḵon.”

John 12:48

Sa angidiyan ḵan saḵon ya adipun anuttuwa'tte ugudḵu awad de anguwis. Sa inugudḵu siya anguwis ḵan siya si anungus ni aḻgaw.

Acts 13:41

“ ‘Dongngonyu, diḵayu we an-amsew! Mataag ḵayu ya matoy ḵayu te awad de ḵooḵ si timpuyu, we adiyupun ogon patiyon taḵon ay anna angibagae ustu ḵan diḵayu.’ ”

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

1 Corinthians 2:10

Sana impaigammun Apudyus ḵan ditaḵu mipagapu'tte Ispirituna. Te sa Ispiritu Santu igammuna da losane banag taḵon ay da naadaḻome somsomoḵ Apudyus.

1 Corinthians 7:40

Yaḵon sa somsomoḵḵu, unnoyna nu adi ḵasin angasawa. Ḵad igammuḵe miyunud atte somsomoḵ ni Ispiritun Apudyus.

2 Corinthians 1:22

Innatod Apudyus Ispiritunae iinggaw ḵan ditaḵu we isun di maḻḵae ditaḵu da taguna ya sa Ispiritunae iinggaw ḵan ditaḵu amanoḵnoḵan taḵu we ittona da losane inkarina.

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.

2 Peter 1:21

Te naippun nipadtu'ḵ naḻpu si pinion ni tagu yaḵon indaḻan ni Ispiritu Santu didae nangibagabaga si ugude naḻpu ḵan Apudyus.

1 John 3:24

Da losane anuttuwa'tta bilin Apudyus, iinggawda ḵan Apudyus ya iinggaw os aḵ Apudyus ḵan dida. Ḵad sa angigammuwan taḵu we iinggaw aḵ Apudyus ḵan ditaḵu, sa Ispiritu Santu we innatodna ḵan ditaḵu.

Jude 1:8

Yaḵon ḵatti isun ni ḵoon da daḵampun aḵ tuttuwae mistulu. Nipaigammu ḵan dida'tta in-inopdae ḵoonda lawweng. Pun maḵabasuḻda si angadaḻuganda'tta daḵampun aḵ asawada, adidapun bigbigon ḵaḻabbongan Apudyus ya an-ugudda'ḵ lawweng atta madaydayawe anghel.