1 Thessalonians 4:16 - Sa Ugud Apudyus

¹⁶ Te aḵ Apu Jesus we mismu, dumoḻae maḻpu'd langite iyipḵawna bilin ḵad midisan poḵaw ni ḵangatuwane anghel ya guminga tangguyub Apudyus. Ḵad umuna umuli da natoye namati ḵan Kristu.

1 Thessalonians 4:16 ပူးပေါင်းရင်းမြစ်များ

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Matthew 25:31

Pun pinagatupan Jesus woḵ ḵanana, “Nu umaliyaḵe Abeng Di Tagu, maila nakaskasdaawe ḵinaapudyusḵu ya buḻunḵu da adu we anghel ḵad tumuḵduwaḵ atte tronoḵe an-ari.

Matthew 26:64

Ḵanan Jesus we summongbat, “Siya imbagame sadi. Yaḵon ibagaḵ ḵan diḵayu, ilanyu saḵone Abeng Di Tagu we tumuḵdu si madawinan Apudyus we maḵabooḻ atta losan. Ḵad asiyu bos ilan umaliyaḵe mibuḻun atta libuu'd langit.”

Acts 1:11

woḵ ḵananda, “Diḵayu we naḻpu'tte probinsiya'd Galilee, ngaipa ḵayu sisiḵad sinae tatangngadonyu'd langit? Aḵ Jesus we innilayu we nipangatu'd langite naḻpu ḵan diḵayu, mipauli bose iissuna nangil-anyu si ḵesanana'd langit.”

1 Corinthians 15:18

Ḵad isun os da nanḵaḵatoye namati ḵan Kristu, nataḻaḵda.

1 Corinthians 15:20

Yaḵon sa ḵatuttuwaan, tuttuwae ummuli'ḵ Kristu we siya ḵaunaane ummuli'tta losane natoy. Ḵad sadi amanoḵnoḵe losane amati ḵan siya, umulida.

1 Corinthians 15:23

Yaḵon nauḻnus da maḵwa: umuna umuli'ḵ Kristu ya nu dumatong aḻgawe mipauliyana, asiyot da losane nanḵaḵatoye namati midoga ḵan siya.

1 Thessalonians 1:10

Ḵad imbagada bose anusanyu uuwayon Abengna we maḻpu'd langit. Siya'ḵ Jesus we impaulin Apudyus ya siya angiligsi ḵan ditaḵu'tte ummamdane sangan Apudyus we dumatong.

1 Thessalonians 3:11

Itaang oḵyan pos Apudyus we Ama taḵu ya aḵ Jesus we Apu taḵu daḻanni ta maḵaali ḵani ḵasin ḵan diḵayu.

2 Thessalonians 1:7

Sa sadi bose timpu, paginḵon Apudyus da ampaḵaḻaman taḵu we sana. Ḵoona da sana nu ampaila'ḵ Apu Jesus atte umaliyana ḵasine maḻpu'd langite buḻunna da maḵabooḻe anghelna.

2 Thessalonians 2:1

Susunudḵu ḵan Kristu, ipaigammuni ḵan diḵayu mipanggob atte ḵasine umaliyan Apu taḵu we Jesu Kristu ya sa andaḵdaḵngan taḵu we angabot ḵan siya. Ḵodawonni susunude

2 Peter 3:10

Yaḵon sa mipauliyan Apu mapoḵḵatane isun ni umaliyan ni aḵḵawan atte boḻoy. Sa aḻgaw ose sadi, awad de andangsoḻe aguduud ḵad mawawan ad langit ya mabunas si apuy init, sa soḻag ya da bituwon. Isuna bose masgob luta ya da losane naḵwa si luta.

Jude 1:9

Taḵon ay pangat da anghel we aḵ Michael, adipun nan-ugud aḵ lawweng ta ḵuwisona'ḵ Satan atte nansongbatanda ḵan Satan mipanggob atte ngai ḵaḻabbonganae angaḻa si ladag Moses. Abuse ḵanana, “Aḵ Apudyus asi anuppaḵ ḵan siḵa.”

Revelation 1:10

Yaḵon sa aḻgawe andaydayawan ḵan Apu, isun di impain-inop ni Ispiritu Santu ḵan saḵon woḵ dingngoḻḵu andangsoḻe ginga si odogaḵe isunan bungug di tangguyub.

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.

Revelation 14:13

Dingngoḻḵu bos gingae naḻpu'd langite ḵanana, “Igilim anna: Inggana sinsadi, pian da tagu we matoye niyossaan ḵan Apu Jesus.” Ḵanan ni Ispiritun Apudyus, “Tuttuwae pianda te maillonganda'tte ansigabe ḵewaaḻda ya magungunaanda gapu'tte ambaḻu we ḵingwada.”

Revelation 8:13

Pun innilaḵ buḵawe antattayap ad ngatu we indangsoḻna ḵanane, “Ḵaddagu! Ḵaddagu! Ḵaddagu da losane inggaw ad luta nu anangguyub da tuḻu we nabun-ane anghel.”

Revelation 8:2

Pun innilaḵ da pitu we anghel we summisiḵad si sinagung Apudyus. Naittanda'ḵ pitu we tangguyub.